Actualitats
Sosten al filme de Francis Fourcou que la region n’a refusat la subvencion
Seriá possible qu’un longmetratge en lenga occitana non foguèsse pas sostengut
Tèxte legit
Se ven de lançar una campanha de sosten al projècte de filme en occitan de Francis Fourcou, Un pont au-dessus de l’océan. La region qu’a pres lo nom d’Occitània a refusat sa demanda de subvencion e l’Institut d’Estudis Occitans de la region (IEO-OPM) demanda que lo comitat d’expèrts reconsidère aquela decision. Dins aquel sens, l’IEO-OPM fa una crida “a cada seccion departamentala, a cada seccion locala, a cada membre de [lor] malhum” d’enviar a la presidenta regionala, Carole Delga, una letra cortesa de demanda de reexamen de la demanda de subvencion. Seriá possible qu’un longmetratge en lenga occitana non foguèsse pas sostengut.
Lo filme
Malgrat lo títol en francés, Un pont au-dessus de l’océan es un long metratge de 90 minutas en occitan sostitolat en francés que documenta lo rescontre d’una cantadora occitana amb lo pòble osage en Oklahoma, ont descobrís la lenga renaissenta dels osages, l’istòria tragica d’aquel pòble, la cultura dels indians de las planuras e la necessària mestresa de lor destin. Puèi, es una poetessa osage que vesita Occitània e descobrís las lenga e cultura nòstras que se baton per subreviure. Es alavetz que trapa l’istòria de 3 osages perduts dos ans en Euròpa qu’arribèron a Montauban en 1829 e la solidaritat dels carcinòls que los ajudèron a tornar en Oklahoma. D’aquel fach naisseriá cent ans pus tard l’associacion Oklahoma-Occitània qu’organiza d’escambis culturals.
Camin fasent, lo filme rescontra lo cap Standing Bear, Montsegur, la memòria de Wounded Knee, e mai Martin Scorsese, que presenta ongan un filme que met en scèna la violéncia absoluda patida pels pòbles originaris de l’America del Nòrd. Lo filme d’Scorsese es entitolat Killers of the Flower Moon, ten de nombroses actors osages e los famoses Robert De Niro e Leonardo Di Caprio, e arriba als ecrans de l’estat francés en decembre de 2022.
Los osages son un pòble de lenga hoka-sioux. Lor nom, “osage”, ven del biais francés de prononciar wažáže (aigas mejanas). A l’ora d’ara, los osages se dison eles meteisses Ni Okašką, (lo Pòble de las Aigas Mejanas)
Ont escriure
L’IEO-OPM demanda de mandar un e-mail a carole.delga@laregion.fr e/o una letra per via postala a Dòna Carole DELGA, Presidenta del Conselh Regional d’Occitània, 22 Avenguda del Manescal Juin, 31406 TOLOSA CEDEX 9.
A mai, suggerís de mandar una còpia al conselhièr regional occitanista Benjamin Assié, qu’a de besonh dels corrièrs per far pression (benjamin.assie@laregion.fr), e al realizaire Francis Fourcou (francis.fourcou@wanadoo.fr) per son informacion e l’ajudar moralament.
Finançament participatiu sus Proarti.fr
Lo filme
Malgrat lo títol en francés, Un pont au-dessus de l’océan es un long metratge de 90 minutas en occitan sostitolat en francés que documenta lo rescontre d’una cantadora occitana amb lo pòble osage en Oklahoma, ont descobrís la lenga renaissenta dels osages, l’istòria tragica d’aquel pòble, la cultura dels indians de las planuras e la necessària mestresa de lor destin. Puèi, es una poetessa osage que vesita Occitània e descobrís las lenga e cultura nòstras que se baton per subreviure. Es alavetz que trapa l’istòria de 3 osages perduts dos ans en Euròpa qu’arribèron a Montauban en 1829 e la solidaritat dels carcinòls que los ajudèron a tornar en Oklahoma. D’aquel fach naisseriá cent ans pus tard l’associacion Oklahoma-Occitània qu’organiza d’escambis culturals.
Camin fasent, lo filme rescontra lo cap Standing Bear, Montsegur, la memòria de Wounded Knee, e mai Martin Scorsese, que presenta ongan un filme que met en scèna la violéncia absoluda patida pels pòbles originaris de l’America del Nòrd. Lo filme d’Scorsese es entitolat Killers of the Flower Moon, ten de nombroses actors osages e los famoses Robert De Niro e Leonardo Di Caprio, e arriba als ecrans de l’estat francés en decembre de 2022.
Los osages son un pòble de lenga hoka-sioux. Lor nom, “osage”, ven del biais francés de prononciar wažáže (aigas mejanas). A l’ora d’ara, los osages se dison eles meteisses Ni Okašką, (lo Pòble de las Aigas Mejanas)
Ont escriure
L’IEO-OPM demanda de mandar un e-mail a carole.delga@laregion.fr e/o una letra per via postala a Dòna Carole DELGA, Presidenta del Conselh Regional d’Occitània, 22 Avenguda del Manescal Juin, 31406 TOLOSA CEDEX 9.
A mai, suggerís de mandar una còpia al conselhièr regional occitanista Benjamin Assié, qu’a de besonh dels corrièrs per far pression (benjamin.assie@laregion.fr), e al realizaire Francis Fourcou (francis.fourcou@wanadoo.fr) per son informacion e l’ajudar moralament.
Finançament participatiu sus Proarti.fr
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sostenètz lo film
"Un pont au-dessus de l'océan, voyages en terres osage et occitane"
de Francis Fourcou
Campanha de finançament participatiu fins al 28 d'agost
https://www.proarti.fr/collect/project/un-pont-au-dessus-de-locean/0?fbclid=IwAR0oWpuc_Vd2j4VUEYD5HgLOASD7u-KRNN2G7qu8xzzxiMRDvBIg52HV_2g
Aprèp los nombreuses corrièrs mandats a la Region, deuriam avec d'esclarziments dins la mesura ont :
- una ajuda al film es ja estada autrejada sul budgècte lenga regionala
- demòra de trapar l'ajuda sul budgècte audio-visual en trespassant l'avís del comitat d'expèrts : aquí la question
#10 Rasonatz en occitan, e plan segur que la decentralizacion seria benefica pels occitans. Es que seria benefica per Paris ? Non. Que tota la potencia d'aquesta ciutat-estat ven justament de la vampirisacion de l'Exagon engimbrada tre Philippe le Bel e dempuèi renforçada e mantenguda d'una man de fèrre per Paris que considèra que renonciar a l'ipercentralizacion seria un suicidi. Es l'alfà e l'omegà de tota sa politica interiora : gestionar sa proprietat al mielhs de sos interesses e plan manténer son bestial.
#6 La diferéncia màger entre França centralizada e los autres grands païses europèus son de budgèts regionals magrinels, de qualques miliards d'€ en França contra de desenas de miliards d'€ en Espanha, Itàlia o Alemanha. Los departaments grands o las metropòlis pesan tant coma las regions. Aital, non i pòt aver de vertadièra politica economica e culturala en region.
En Euròpa, son las regions que gerisson la santat e l'educacion, i comprés los foncionaris, e son de miliards d€ que passarián de París a las regions. Pensi que cal un enfortiment de las regions per lo transfèrt de las competéncias e personals de santat e educacion, l'Estat central restant ne carga de las orientacions generalas e de la recerca publica. Cal trapar un front comun entre totes los e las que son per la decentralizacion.
Siquenon, òsca a l'IEO.
La region que los abitants an causit lo nom d'Occitanie (e malurosament pas encara Occitània coma es escrich dins l'article) es en camin cap a la reconquista de sas lengas e de sas culturas istoricas. Mas lo camin es encara long e la volontat de qualques elegits es pas la volontat de totes; per aquò i a besonh (encara e totjorn) de las butadas (cortesas mas fermas) dels ciutadans. Cadun a son escritòri! e fai tirar per sosténer aqueste brave projècte. E òsca a l'IEO!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari