Bandièra01 1180x150: Comuna de Tolosa

Actualitats

La senatritz australiana que considèra “colonizaira” la reina quand prèsta jurament

Lidia Thorpe es la primièra senatritz d’origina aborigèna sortida de l’estat de Victòria

| @AAPNewswire

Tèxte legit

Diluns passat, prestèt jurament la novèla senatritz ecologista australiana Lidia Thorpe en tot apondre l’adjectiu “colonizaira” quand se deviá declarar fidèla a la reina Elisabèt IIa d’Anglatèrra. Thorpe a d’ancessors aborigèns de tres pòbles diferents e amb aquel mot apondut, dich lo punh levat, volguèt far remarcar son vejaire sus l’istòria de son país. La presidenta de la cambra li faguèt repetir la prestacion de sagrament, que la deguèt far l’elegida sens qualificar la reina de colonizaira. Pasmens, Thorpe legiguèt la formula amb un ton ironic.
 
Lidia Thorpe a 49 ans, son aujòls venon dels pòbles djabwurrung, gunnai e gunditjmara, e es la primièra senatritz d’origina aborigèna sortida de l’estat de Victòria. Son combat per defendre las primièras nacions d’Austràlia es clar e maximalista. Dins sa primièra intervencion al Senat, reclamèt que lo govèrn del Partit Trabalhista compliguèsse la promessa electorala de cambiar la Constitucion australiana per reconéisser los aborigèns.


 
 



abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cum Perplexitas
1.

Lo mond anglo-saxon es per nosautres tornamai de mal-compréner amb sas definicions identitàrias elasticas. A l'agach d'aquesta fotografia Lydia Thorpe sembla pas pus "auborigèna" que l'Americana Kamala Haris sembla "negra". Es lo dogme racialista made in USA del "one drop is enough" ( una sola gota de sang negra sufis a faire de vos un negre) dins tota son absurditat. Mas aprèp tot, se li agrada a Lydia Thorpe de s'identificar als 10 o 15 per cent de sos reires auborigens, perque pas ?

  • 17
  • 8

Escriu un comentari sus aqueste article