Lo secretari general de l’ÒNU, António Guterres, a fach una crida als govèrns del Mond entièr per que fagan pagar d’impòstes a las societats petrolièras e gasièras qu’an de “profièches excessius”, e qu’empleguen aquel argent per ajudar los mai vulnerables. Dins aquel sens a dich qu’es “immoral” qu’aquestas societats encaissen tant d’argent amb un “còst enòrme pel clima”.
 
Guterres faguèt aquela crida pendent la presentacion d’un tresen rapòrt redigit per d’expèrts de l’ÒNU sus l’impacte mondial de la guèrra en Ucraïna, aqueste còp centrat sul domeni de l’energia. Lo document soslinha que la planeta es dins una “granda crisi energetica” amb de prèses subrenauts dels combustibles pertot e una repercussion fòrça grèva sus las nacions en desvolopament e sus las familhas vulnerablas.
 
En mai de las mesuras de tèrme cort coma de plans d'estalvi energetic, l’ÒNU insistís sul ròtle de las energias renovablas que, segon Guterres, “dins la majoritat dels cases son de melhor mercat que los combustibles fossils”.
 
 

It is immoral for oil & gas companies to be making record profits from the current energy crisis on the backs of the poorest, at a massive cost to the climate.

I urge all governments to tax these excessive profits & use the funds to support the most vulnerable people.

— António Guterres (@antonioguterres) August 3, 2022