Bandièra01 capçalera  1180x150: Novestivada

Actualitats

L’ÒNU demanda als govèrns que fagan pagar mai d’impòstes a las societats d’energia

António Guterres jutja “immoral” qu’aquelas societats encaissen tant d’argent amb un “còst enòrme pel clima”

Tèxte legit

Lo secretari general de l’ÒNU, António Guterres, a fach una crida als govèrns del Mond entièr per que fagan pagar d’impòstes a las societats petrolièras e gasièras qu’an de “profièches excessius”, e qu’empleguen aquel argent per ajudar los mai vulnerables. Dins aquel sens a dich qu’es “immoral” qu’aquestas societats encaissen tant d’argent amb un “còst enòrme pel clima”.
 
Guterres faguèt aquela crida pendent la presentacion d’un tresen rapòrt redigit per d’expèrts de l’ÒNU sus l’impacte mondial de la guèrra en Ucraïna, aqueste còp centrat sul domeni de l’energia. Lo document soslinha que la planeta es dins una “granda crisi energetica” amb de prèses subrenauts dels combustibles pertot e una repercussion fòrça grèva sus las nacions en desvolopament e sus las familhas vulnerablas.
 
En mai de las mesuras de tèrme cort coma de plans d'estalvi energetic, l’ÒNU insistís sul ròtle de las energias renovablas que, segon Guterres, “dins la majoritat dels cases son de melhor mercat que los combustibles fossils”.
 
 
 


abonar los amics de Jornalet


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

António Guterres jutja “immoral” qu’aquelas societats encaissen tant d’argent amb un “còst enòrme pel clima”. Sense parlar de totas las societats qu'encaissan tant d'argents amb un còst enòrme pel clima social, societal… e qu'escapan de mai en mai a tota mena de fiscalitat.

  • 0
  • 0

Escriu un comentari sus aqueste article