Bandièra01 1180x150: País Invisible

Actualitats

crotz-tolosaCreated with Sketch.GuianaBordalésLa Grava

Nos a quitats Sempé, paire del Pichon Nicolau

Lo dessenhaire del bonaür aviá fach los dessenhs de 110 primièras paginas de The New Yorker

Sempé en 2016
Sempé en 2016 | Olivier Meyer

Tèxte legit

Lo dessenhaire bordalés Jean-Jaques Sempé, creator de Le Petit Nicolas, nos quitèt dijòus passat, 11 d’agost, a cinc jorns de son 90n anniversari.
 
Sempé creèt la benda dessenhada Le Petit Nicolas fa mai de 50 ans amb Goscinny, lo scenarista d’Astérix que defuntèt en 1997. La primièra de las aventuras del pichon Nicolau foguèt publicada coma una benda dessenhada dins una revista de Belgica en 1956 e puèi, en 1959 dins Sud-Ouest.
 
D’alavetz ençà sas istòrias an percorregut lo Mond entièr e son estadas reviradas en mai de 30 lengas. Ivam Éditions l’a tanben publicat en qualques variantas de la lenga nòstra (vivaroalpenc, provençal, niçard, gascon, lemosin, auvernhat e lengadocian) que podètz trobar sul sit de l’Espaci Occitan.
 
Sempé illustrèt mai de 40 libres qu’analisavan lo Mond amb un estil afectuós e ironic. Lo dessenhaire caricaturèt tanplan la borgesiá e los poderoses. Atenguèt una granda reconeissença internacionala amb mai d’una centena de dessenhs per la primièra pagina de la revista The New Yorker.
 
Sempé nasquèt a Bordèu lo 17 d’agost de 1932 e publiquèt sos primièrs dessenhs al començament dels ans 1950.
 
 
 
 
abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Occitans sens o saber
1.

Nascut a Bordèus, eh ? Où, avisa mon brave Sempé, que serian encara fotuts de faire de tu "l'occitan de la setmana" !

  • 23
  • 18

Escriu un comentari sus aqueste article