Daria Dugina, filha de l’ideològ rus ultranacionalista Alexandr Dugin, moriguèt dins la nuèch de dissabte a dimenge dins un atemptat presumit contra la veitura de son paire que la menava ela, a una quarantena de quilomètres de Moscòu; segon la polícia de la region de Moscòu, a causa d’un artefacte explosiu plaçat jos lo veïcul. Las agéncias d’informacions russas designan coma buta de l’atemptat Alexandr Dugin, mas al darrièr moment aqueste decidiguèt de viatjar separadament de sa filha. Ucraïna desmentís tota implicacion.
 
La polícia russa a dobèrt una enquista per “omicidi” e a anonciat qu’enfàcian “totas las versions” per determinar l’autor del crime.
 
Lo cap de la republica populara de Donetsk acusa Ucraïna d’aver temptat d’eliminar Alexandr Dugin. De son latz, la pòrtavotz de la diplomacia russa, Maria Zakharova, a dich: “Se la pista ucraïniana se confirma [...], e deu èsser verificada per las autoritats competentas, s’agirà de politica de terrorisme d’estat començada pel regim de Kyiv”.
 
Alexandr Dugin es un collaborador estrech de Putin. A preconizat l’unificacion dels territòris russofòns dins un vast nòu empèri rus, que deu inclure Ucraïna. Es promotor de la doctrina “eurasista”, una mena d’aliança entre Asia e Euròpa comandada per Russia. De soslinhar que Dugin influéncia una part de l’extrèma drecha francesa, çò rapòrta Le Figaro. L’Union Europèa a infligit de sancions a Dugin que qualques unas de sas òbras ideologicas son enebidas en Ucraïna.
 
Daria Dugina aviá 30 ans. Aviá largament sostengut las idèas de son paire e èra apareguda a la television estatala d’esperela per ofrir son sosten a las accions de Russia en Ucraïna. A mai, èra aguinchada per de sancions britanicas dempuèi que Londres l’acusava de difusar en linha d’informacions falsas sus Ucraïna.


 

La voiture d’Alexandre Douguine, le “Raspoutine de Poutine”, explose près de Moscou. L’idéologue devait se trouver dans cette voiture, mais il a pris une autre, selon les médias. Sa fille Darya était dans la voiture, elle décède sur place. pic.twitter.com/iyyoRrsKXb

— Andreï VAITOVICH (@andreivaitovich) August 20, 2022

1) Informen de l'assassinat de la periodista russa Darja Dugina, a causa d'una explossió causada per un artefacte en el vehicle on viatjava, Dugina, de 29 anys era filla del polític ultranacionalista Alexander Dugin, un dels principals ideólegs d Putin. https://t.co/EOJGDXRtcM

— Xavier F. Domènech (@xavidomenech99) August 21, 2022

| ÚLTIMA HORA: Medios rusos informan que la hija de Aleksandr Dugin (uno de los maestros de Putin), Darya Dugina, murió en un atentado con coche bomba hoy en Moscú. No está claro si se trató de un intento de asesinato dirigido a su padre. pic.twitter.com/GIu8acfVpU

— Alerta Mundial (@AIertaMundiaI) August 20, 2022