Bandièra01 1180x150: País Invisible

Actualitats

Per Amnestia Internacionala, los rohingyas “afrontan una virada perilhosa”

“Pas un sol oficial militar de naut reng de Birmania es estat jutjat per l’atròça campanha de violéncia contra los rohingyas”, çò remembra

Tèxte legit

Amnestia Internacionala e lo Conselh Norvegian pels Refugiats (NRC) an avertit que los rohingyas “afrontan una virada perilhosa” a l’ocasion del cinquen anniversari de la crisi violenta que la patís aquela comunautat. “Aqueste solemne anniversari es un remembre inquietant que pas un sol oficial militar de naut reng de Birmania es estat jutjat per l’atròça campanha de violéncia contra los rohingyas”, çò a dich Ming Yu Hah, directritz regionala adjoncha de las campanhas d’Amnestia Internacionala.
 
A mai, a declarat que “l’Associacion de las Nacions del Sud-Èst Asiatic (ASEAN) deu tanben exercir un ròtle mai energic, decisiu e de lideratge per defendre lo pòble rohingya e quichar per que se renda de comptes en Birmania.”
 
Dins lo meteis sens s’es exprimit lo secretari general del Conselh Norvegian pels Refugiats, Jan Egeland, qu'a soslinhat que “China e los estats membres de l’ASEAN an d’organizar una reünion de lideratge” per fin de “traçar un camin de seguir per resòlver la crisi.”
 
“Los cal ajudar a sortir ara del desplaçament forçat o serà tròp tard […] S'aqueles limbes crusèls persistisson, la possibilitat qu’un jorn tornen a lor ostal en Birmania s’escantirà”, çò a afirmat en tot apondre que los refugiats rohingyas son “al bòrd d’un precipici esglasiant.”




abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

“Aqueste solemne anniversari es un remembre inquietant que pas un sol oficial militar de naut reng de Birmania es estat jutjat per l’atròça campanha de violéncia contra los rohingyas” : pecaire ! Òm se creriá per las Espanhas pòstfranquistas…

  • 6
  • 3

Escriu un comentari sus aqueste article