Bandièra01 capçalera  1180x150: Novestivada

Actualitats

L’an 2022 es ja l’annada mai mortifèra pels jornalistas en Mexic

Ongan 14 jornalistas son estats assassinats en Mexic, fòrça mai que dins d’estats en guèrra coma Ucraïna e Iemèn

Accion de protèsta en Mexic, lo 24 d’agost passat, après lo murtre del jornalista Fredid Roman
Accion de protèsta en Mexic, lo 24 d’agost passat, après lo murtre del jornalista Fredid Roman | AFP

Tèxte legit

Reportèrs sens Frontièras (RSF) anoncièt divendres que 2022 èra ja vengut l’an mai mortal per l’exercici del jornalisme en Mexic. Après los quatre jornalistas assassinats aqueste mes d’agost, lo nombre de murtres de reportèrs dempuèi lo començament de l’annada es de 14.
 
RSF planh aquel “sordid recòrd” de la situacion del jornalisme en Mexic en assegurant qu’es un “drama qu’exigís d’accions urgentas de part del govèrn”. Amb aquelas chifras Mexic se manten davant, per la quatrena annada consecutiva, de la lista de païses mai perilhoses per l’exercici del jornalisme, quitament davant de païses en guèrra coma Ucraïna (8 mòrts) o Iemèn (3 mòrts). De recordar que Mexic es a la 127a posicion sus 180 del Classament Mondial de la Libertat de Premsa 2022 d’RSF.
 
“La lista de jornalistas assassinats en Mexic es espaventosa e sembla de s’alongar inexorablament sens que lo govèrn federal ni las autoritats localas s’avisen de la dimension del problèma, ni prengan de decisions coratjosas”, çò planh lo director del burèu d’RSF en America latina, Emmanuel Colombié.
 
Dempuèi lo començament del mandat del president mexican, Andrés Manuel López Obrador, en decembre del 2018, RSF a comptat almens 36 assassinats de jornalistas e doas desaparicions, las de Jorge Molotzin Centlal e Pablo Felipe Romero Chávez, en 2021, dins l’estat de Sonòra.


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article