Bandièra01 1180x150: Comuna de Tolosa

Actualitats

Paquistan: mai de mila mòrts dins un episòdi de pluèjas de monson excepcional

Lo país patís de pluèjas ininterrompudas dempuèi mai d’una setmana qu’an devastat lo païsatge e mai d’un milion d’abitatges

| @celalalnebioglu

Tèxte legit

Las inondacions provocadas per las pluèjas de monson en Paquistan an fach mai d’un milièr de mòrts dempuèi junh passat, e environ 120 dins las darrièras oras. Lo país patís de pluèjas ininterrompudas dempuèi mai d’una setmana qu’an devastat lo païsatge e mai d’un milion d’abitatges. Las autoritats calculan que 33 milions de paquistaneses (1 abitant sus 7) son afectats per la catastròfa. Los aigats arriban dins un encastre de crisi politica e economica. Lo govèrn a mobilizat l’armada e declarèt divendres l’estat d’emergéncia.
 
Aquesta darrièra pluèja de monson es l’ochena d’ongan, un fenomèn pas brica abitual. Los climatològs ne prevesián 4 e a partir de la seisena comencèron de s’inquietar. Segon l’ONG Germanwatch, Paquistan es un dels païses mai menaçats pels fenomèns metereologics extrèms.
 
 
Risc de grèva famina en Afganistan
 
D’autre latz, en Afganistan, en plena crisi economica e sociala jol regim dels talibans, se calcula que las inondacions aurián causat la mòrt de dos cents estatjants e de milièrs d’animals de bòrda, e la destruccion dels coltius. De soslinhar que lo país aviá ja patit ongan un tèrratrem de magnitud 6,1 que daissèt un milièr de mòrts e una secada sens precedent. Lo govèrn taliban, coma lo paquistanés, a demandat d’ajuda internacionala.

 
 
 
 



abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article