En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, recuperam l’entrevista que Clamenç Pech faguèt a Benaset Ros lo mes de mai passat. La setmana que ven, escotaretz sus las ondas las entrevistas de Pèire Còsta a prepaus del congrès de Regions e Pòbles Solidaris e de Joan-Miquèu Espinasse sus l’occitan a l’escòla. Lèu, ne publicarem los podcasts sus las paginas d’aqueste quotidian.

Los espectators assidús de Viure al País sus France 3 lo coneisson coma lo successor de Maurici Andrieu. Oficièt a la presentacion e a la produccion de reportatges pel compte del magazine occitan de la cadena publica pendent una vintena d’annadas abans de daissar la plaça a Sirine Tijani e Màrius Blenet. Dempuèi, Benaset Ros es tornat a sas primièras amors, a saber l’espòrt mas tanben la musica que li consagra un blòg, “Écoute voir“, e collabòra tanben a un miniformat sonat “pas en playback” produch dins los estúdios de la Cepièra a Tolosa. Retorn sus un percors eclectic…