Bandièra01 1180x150: Comuna de Tolosa

Actualitats

Espanha auriá violat los dreches dels presonièrs politics catalans

Lo comitat dels dreches umans de l'ÒNU conclutz qu’aurián pas degut èsser suspenduts coma elegits abans d’èsser condemnats

Tèxte legit

Espanha a violat los dreches politics de membres del govèrn e del parlament de Catalonha après lo referendum d’independéncia de 2017, segon lo comitat dels dreches umans de l'ÒNU, que conclutz qu’aurián pas degut èsser suspenduts coma elegits abans d’èsser condemnats.
 
D’expèrts independents, que s'exprimisson pas al nom de l'ÒNU mas que son mandatats per ela, concluguèron dimècres passat a Genèva que las acusacions de rebellion contra los elegits catalans èran pas justificadas e que s’apiejavan pas sus de “motius rasonables e objectius” confòrmament a la lei.
 
Lo comitat aviá recebut una denóncia de l'èx-vicepresident catalan Oriol Junqueras e de tres ancians ministres que foguèron condemnats e encarcerats per lor participacion al referendum e a la declaracion d'independéncia del parlament en octòbre de 2017, abans d'èsser graciats l'an passat.
 
Lo rapòrt del comitat dels dreches umans de l'ÒNU jogarà en favor del recors que los presonièrs politics catalans an depausat a la Cort Europèa dels Dreches Umans.
 
 
abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
3.

#1 E alavetz ?

  • 7
  • 2
Franc Bardòu
2.

Emai foguèssen innocentats — e o devon èsser — qui tornarà a totes aquestes preisonièrs per delicte d'opinion lo temps que lor serà injustificablament aital panat ? Òm pòt tornar un objècte panat, restituïr sòmas d'argents, emai las modular per desdaumatjar. Mas lo temps, lo temps d'embarrament injustificat, qui lo tornarà a qui, e cossí ? Un prejudici tant injuts, injustificable coma irreparable ! Inadmissible.

  • 19
  • 7

Escriu un comentari sus aqueste article