Bandièra01 1180x150: Comuna de Tolosa

Actualitats

EconomiaEnvironamentInternacionalPolitica

Brasil: los pòbles originaris manifèstan per defendre Amazonia

Exigisson la fin de la destruccion de la forèst e n’acusan dirèctament lo regim de Jair Bolsonaro

Manifestacion de femnas diluns passat, 5 de setembre, a l’ocasion del jorn internacional d’Amazonia e de las femnas indigènas
Manifestacion de femnas diluns passat, 5 de setembre, a l’ocasion del jorn internacional d’Amazonia e de las femnas indigènas | Lia Bianchini

Tèxte legit

Diluns passat, 5 de setembre, a l’ocasion del jorn internacional d’Amazonia e de las femnas indigènas, de representants de diferentas nacions se mobilizèron dins las principalas vilas de Brasil per protestar contra la desforestacion e la destruccion d’Amazonia. Los manifestants denóncian los grands entrepreneires agricòlas e sustot las minas illegalas que polluisson amb de mercuri.
 
A São Paulo se destaquèt la preséncia de Sônia Guajajara qu’anoncièt que s’anava batre en politica. “Nos sèm quilhadas per dire qu’anam pas recular, anam poblar la politica, anam poblar lo Congrès Nacional”, çò diguèt. Guajajara, del pòble omonim, es candidata al mandat de deputada federala a las eleccions generalas previstas pel 2 d’octòbre venent. De soslinhar qu’en 2022 Sônia Guajajara es estada nomenada una de las 100 personas mai influentas del Mond, segon la revista Time.
 
Mentretant a Manaos, capitala de l’estat d’Amazònas, de caps indigènas e de representants de las minoritats socialas manifestèron contra las menaças que patís lor pòble de part del regim de Jair Bolsonaro. Divèrsas organizacions umanitàrias sostenon que l’administracion Bolsonaro “a afeblit los organismes federals de proteccion environamentala” en rendent “las tèrras indigènas encara mai vulnerablas a l’invasion”. Denóncian tanben qu’ongan an aumentat los assassinats, las temptativas d’assassinat e las menaças de mòrt.
 
De fach, lo Conselh dels Dreches Umans de l’ÒNU a recebut divèrsas denóncias per “extermini de las comunautats nativas” depausadas per d’organizacions qu’aparan los pòbles originaris de Brasil.
 
Del 2 de genièr fins al 4 de setembre d’ongan, 2022, Amazonia a patit 58 000 incendis, un 20% de mai que los patits en 2021. Se compta qu’ongan an eliminat 365 milions d’arbres.
 
Segon l’Institut Nacional d’Investigacions Espacialas (INPE), los incendis en Amazonia cobrisson un airal de cinc milions de quilomètres cairats.
 
 
 
 
 
 
 
abonar los amics de Jornalet

 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

Però a que esperen, que els para, que son monstres carents de sentiments i de ideals!?
Volen que morim tots!? O potser només les generacions futures!? Qui sap son suicides, o curts de gambals, no se, no ho entenc, ens hi va tot, de fet la Amazonia, està devastada, adéu futur, prosperitat i humanitat, i a més el Planeta.
Jo no vull ésser un monstre, pareu això, o cremeu com les selves.
Visca la Terra...Lliure!
L'Ernest, "El Tàrrega".

  • 0
  • 0
Franc Bardòu
1.

Lo problèma — tipic del capitalisme internacional, mas npn exclusivament — es qiue de desforestar, eissartar, desbosigar, aquò rapòrta mai. Qui crompa a los que cometon aqueles crimes contra la planèta, per qu'aquò vlor enga profieitós ?

  • 9
  • 5

Escriu un comentari sus aqueste article