Bandièra01 capçalera  1180x150: Novestivada

Actualitats

Russia mantendrà interromputs los provesiments de gas a l’UE fins que se retire las sancions

Lo Kremlin argumenta que las sancions i dificultan l’arribada de materials essencials per la mantenença. L’èuro tomba a sa valor pus bassa

Tèxte legit

Russia mantendrà interromputs los provesiments de gas dins lo gasoducte Nord Stream 1 fins que l’Union Europèa lève las sancions contra Moscòu. O assegurèt diluns lo pòrtavotz del Kremlin, Dmitry Peskov, en una compareissença que la rapòrta Interfax. De fach, Moscòu a acusat l’Occident del barrament recent del gasoducte, en argumentant que las sancions impausadas per l'UE an dificultat l’arribada de materials essencials pels prètzfaches de mantenença. Après aquela anóncia, l’èuro perdèt lo 0,7% de sa valor en tombant a la quòta pus bassa dempuèi 2002.
 
Gazprom arrestèt dimècres passat los provesiments dins lo gasoducte Nord Stream en Alemanha en anonciant d’en primièr qu’aquò durariá sonque tres jorns per de trabalhs de mantenença. Ara se confirma la paur qu’avián las autoritats europèas que Moscòu decidiguèsse de reprene pas los fluxes.






abonar los amics de Jornalet

 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

Ara se confirma la paur qu’avián las autoritats europèas que Moscòu decidiguèsse de reprene pas los fluxes. MAs aquela Euròpa dels fluses financièrs liures e dels ciutadans esclaus del capital, caldriá totun que sabèsse çò que vòl : anar "amiga dels Russes" (e aprobar sa politica en Ucraïna) o "enemiga dels Russes" e n'assumir totas las consequéncias…

Emai non i semble aver cap de ligam, me sembla qu'aquò remanda a una problematica que nos es mai costumièra : l'independentisme (per exemple, catalan). Supausi que los catalanistas independentistas, quand an formulats, fa cinc o dètz ans lor projècte de votacion per o contra l'independéncia, o an ja considerat : anar independents del reialme de Castilha significa exactament e rigorosament "quitar de despendre d'el".

Es qu'Euròpa es jmai estada, es o serà rigorosament independentistas de cap a Russia o de cap a qué que siá mai ? Lo capitalisme mondializat non vòl de l'independéncia . Çò que non li es sofrible es, tot bèl just independéncia, e, per exemple tipic e caractristic, l'independéncia de la païsanariá autarcica e biologica (la soleta que non fota a mal la possibilitat de continuar de viure sus tèrra). Lo capitalisme vòl las gents dependentas per las poder tranquillament espleitar, e tant que possible sense limit. S'un estat ven independent, pòt legiferir contra unas leis capitalistas internacionals (las famosas "leis del mercat"). Lo capitalisme vòl la dependéncia, la de las gents, la dels estats, tot çò que poiriá permetre de s''indepentisar de las leis del mercat, de las leis del fluses de las mèrças internacionalas. E donc, en principi, de la Russia acutala e del sieu gas…

  • 5
  • 2

Escriu un comentari sus aqueste article