Bandièra01 1180x150: País Invisible

Actualitats

Carles III a licenciat una centena d’emplegats

Los personals èran convencuts qu’après la mòrt d’Elisabèt IIa serián reïnstallats dins la nòva residéncia del rei

Tèxte legit

Lo rei britanic, Carles IIIn, a licenciat gaireben una centena d’emplegats de Clarence House, sa residéncia oficiala del temps qu’èra prince de Galas.
 
Los obrièrs foguèron assabentats de lor licenciament diluns passat mentre que se teniá una ceremònia de remembre d’Elisabèt IIa, çò rapòrta The Guardian. Plusors èran engatjats dempuèi qualques decennis. Demest los afectats i a de secretaris privats, la còla de comunicacion, lo burèu de las finanças e lo personal domestic de Clarence House.
 
Los personals èran convencuts qu’après la mòrt d’Elisabèt IIa serián reïnstallats dins la nòva residéncia del rei. “Totes son absoludament furioses, compreses los secretaris privats e la còla mai experimentada. Tot lo personal trabalhèt fins a tard cada nuèch dempuèi alara [quand defuntèt Elisabèt IIa] e ara tròban aquò. Lo mond son visiblament tresvirats”, çò rapòrta una sorsa pròcha dels emplegats.

 


abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

Carles III a licenciat un centenat d’emplegats. Los personals èran convencuts qu’aprèp la mòrt d’Elisabèt IIa serián reïnstallats dins la nòva residéncia del rei. Mas s'agís un rei d'aqueste mond. Un mond fotudament psicopat e ultraliberal en diable, sense còr, copat de tota compassion (clau de flaquesa dins los afars) non riscava gaire de generar quicòm de melhor. Al país dels chacals de finançalha internacionala egocentrica a l'anglo-saxona, vejaquí lo rei dels chacals ?

  • 11
  • 4

Escriu un comentari sus aqueste article