L’an que ven, lo Mond poiriá patir una penúria alimentària, çò avertiguèt l’ÒNU dimècres passat. L’agotament dels fertilizants, que prevesiam al començament d’ongan, fa paur al secretari general de las Nacions Unidas, António Guterres, que lancèt un avertiment clar: “En 2022 avèm un problèma de distribucion. Mas se normalizam pas los mercats de fertilizants, aurem un problèma alimentari en 2023”. Aital, Guterres demandèt que s’eliminèsse “los obstacles qu’existisson amb las exportacions russas de fertilizants”.
 
En mai d’aquò, l’inflacion e “la crisi del còst de la vida” fan patir cada cop mai de mond, especialament “las personas e las comunitats pus pauras”, que son ja a subir “d’efièches dramatics”. Dins aquel sens, lo secretari general de las Nacions Unidas declarèt qu’en Somalia las vidas de centenas de milièrs de personas èra en perilh immediat: “La chifra totala de personas que patisson la famina dins la Bana d’Africa es superiora als 20 milions, una constatacion que se jutja inacceptabla”.



 

Our world is blighted by war, battered by climate chaos, scarred by hate, and shamed by poverty & hunger.

This #UNGA I will address these issues with concrete recommendations & a call to action.

We need to come together around solutions - and we need to give hope. pic.twitter.com/au8lwHGXCc

— António Guterres (@antonioguterres) September 14, 2022