Bandièra01 1180x150: Comuna de Tolosa

Actualitats

Nigèr: las pluèjas fan almens 160 mòrts

Mai de 225 000 personas son afectadas e la famina creis fins al 20% de la populacion

Tèxte legit

Las pluèjas en Nigèr an causat de centenas de mòrts e de centenats de milièrs d’afectats. Ara lo país patís una crisi alimentària grèva: lo 20% de la populacion, d’efièch, es victima d’una famina estricta.
 
Los aigats que tomban dempuèi los darrièrs meses an daissat almens 160 personas mòrtas, çò rapòrta lo Sistèma de Proteccion Civila de Nigèr. Lo rapòrt especifica que 121 personas son defuntadas jols tarcums de lors ostal quand se son esfondrats, e  que 38 personas se son negadas dins las inondacions. Las pluèjas an destruch mai de 25 000 abitatges. D’autre latz, son damatjats 210 entrepauses de cerealas e 71 centres de santat. Al total se rapòrta 225 539 personas afectadas dont 200 son nafradas.
 
Las previsions metereologicas avertissián de fòrtas precipitacions fins a l’acabada de setembre, çò que menèt las autoritats a far evacuar los endreches mai vulnerables e a demandar als autres abitants que demorèsson a l’ostal.
 
 
La crisi climatica e la famina
 
Segon un rapòrt de l’Organizacion Metereologica Mondiala redigit amb l’ÒNU, la crisi climatica que sèm a patir a reduch l’agricultura d’un 34% en Africa, qu’es lo continent qu’o patís mai. “Se prevei qu'aquesta tendéncia contunharà dins l’avenir, en aumentant lo risc d'inseguretat alimentària aguda e de malnutricion”, çò precisa.
 
 
 



abonar los amics de Jornalet

 


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
3.

No s'ha dit!? Doncs que es pensa el que mana i la mala gent!? Tot el que es podia dir s'ha dit, però fins el dia que diguin que en poc temps morirem tots, no fotran res, i així serà, no es pot maltractar el Mon d'aquesta manera.
Penseu-s'ho i recapaciteu, sobretot els que manen, la resta a apretar, en alguns llocs s'hi han posat, però en general ningú fot cas. A veure quan en fotran.
Visca la Terra...Lliure! I ara mes que mai!
L'Ernest, "El Tàrrega".

  • 0
  • 0
Bibiana Pujòlo
2.

#1 tarcum nòm m Conjunt de materiaus que queden dempús der esbauç o deth demoliment d'un edifici.

Hònt: Diccionari aranés (Institut d'Estudis Aranesi-Acadèmia Aranesa dera Lengua Occitana)

  • 4
  • 0
Mèfi! 31
1.

Tarcum : ?
(Merci)

  • 0
  • 0

Escriu un comentari sus aqueste article