Actualitats
Tolosa aculhirà un concertàs amb 3èmeClass e Goulamas’k
La serada “Entre Tolosa e Garriga” se tendrà lo 7 d’octòbre dins la sala Le Rex
D’un costat, Tolosa: la Ciutat Mondina ròsa de teulada e roja de la sang de batèstas vièlhas. De l’autre la garriga: sa terra eissuda pel solelh, cobèrta de bartasses e de vinhas. E dels dos costats: una mescla de gents venguts de pertot, que charran, qu’escàmbian, que s’aiman, s’enràbian... En brèu que fan societat, que fargan un Mond novèl. Mai qu’un concèrt, es un trocinet de tot aquò que vos prepausam amb aquela serada “Entre Tolosa e Garriga”.
Primièr amb 3èmeClass, una brava chorma de uèch musicians de l’identitat unica que mescla ska, groove, reggae, hip-hop e musicas del Mond dempuèi gaireben 10 ans e que faguèron espelir en 2021 lo disc Inclassable, un nom que pega plan coma cal a l’estil musical de la còla.
Puèi amb Goulamas’k que, dempuèi gaireben 25 ans, manja de quitran, encadena los emponts en tot desencadenar lo public. Fa rajar las lengas (occitan, catalan, espanhòl, francés...) amb una recèpta ska-punk-rock, reggae (de còps de cómbia) salpicada d’instruments tradicionals. A mai, per defendre lo darrièr disc, Luna Roja, compausat e sortit del temps del confinament, es gaireben un Komando renovelat qu’envasís l’empont amb vam e energia, ràbia e poesia per vos faire jumpar e bolegar lo mond.
“Entre Tolosa e Garriga” una serada plan coma cal per tornar prene d’energia, escambiar e festejar totòm amassa... Se tendrà lo 7 d’octòbre de 2022, a partir de 19h al Rex de Tolosa. Una coorganizacion IEO 31 e Revolu’Prod, dins l’encastre de l’edicion 2022 del Festenal Occitània.
Clamenç Pech
Primièr amb 3èmeClass, una brava chorma de uèch musicians de l’identitat unica que mescla ska, groove, reggae, hip-hop e musicas del Mond dempuèi gaireben 10 ans e que faguèron espelir en 2021 lo disc Inclassable, un nom que pega plan coma cal a l’estil musical de la còla.
Puèi amb Goulamas’k que, dempuèi gaireben 25 ans, manja de quitran, encadena los emponts en tot desencadenar lo public. Fa rajar las lengas (occitan, catalan, espanhòl, francés...) amb una recèpta ska-punk-rock, reggae (de còps de cómbia) salpicada d’instruments tradicionals. A mai, per defendre lo darrièr disc, Luna Roja, compausat e sortit del temps del confinament, es gaireben un Komando renovelat qu’envasís l’empont amb vam e energia, ràbia e poesia per vos faire jumpar e bolegar lo mond.
“Entre Tolosa e Garriga” una serada plan coma cal per tornar prene d’energia, escambiar e festejar totòm amassa... Se tendrà lo 7 d’octòbre de 2022, a partir de 19h al Rex de Tolosa. Una coorganizacion IEO 31 e Revolu’Prod, dins l’encastre de l’edicion 2022 del Festenal Occitània.
Clamenç Pech
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un grand mercés a la còla de Jornalet per l'anoncia de l'event (coma se dit en frances) e lo sosten...
Òsca a Jornalet
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari