Bandièra01 capçalera  1180x150: Novestivada

Actualitats

L’UE avertís que respondrà d’un biais unit e ferme a las atacas contra los gasoductes Nord Stream

Lo naut representant per la politica exteriora assegura que “los incidents son pas cap de coincidéncia”, e demanda una enquista d’a fons

Tèxte legit

L’Union Europèa (UE) respondrà d’un biais unit e ferme a las atacas intencionadas contra los gasoductes Nord Stream. Atal o ditz lo naut representant per la politica exteriora, Josep Borrell, dins un comunicat ont assegura que “los incidents son pas cap de coincidéncia” e demanda una enquista d’a fons.
 
En nom dels 27 estats membres de l’UE, Borrell soslinha que lo blòc comunautari es fòrça inquiet per las pèrdas de gas dels dos gasoductes que “tota l’informacion indica que son lo resultat d’actes intencionats”. Lo naut representant demanda una enquista suls faches, e anóncia que l’UE adoptarà d’autras mesuras per aumentar la resiliéncia de la seguretat energetica.
 
Al començament d’aquesta setmana, las autoritats danesas e suedesas an detectat de pèrdas dins los gasoductes sosmarins; acusan Moscòu d’aver provocat doas explosions per los far venir inutilizables.
 
 
 

abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article