Tèxte legit
En Austràlia, aqueste dimenge 2 d’octòbre, se jogava la finala del campionat NRL entre las Pantèras de Penrith, campions de 2021, e las Anguialas de Parramatta. Al primièr torn de las pelhòfas, los campions avián dominat Parramatta 27-8. Per aquela finala, lo debanament faguèt sustot plaser als sostens de Penrith que dominèt largament la partida amb un jòc mai ample e mai dinamic. Las Pantèras menavan 18-0 a la pausa, portèron l’avantatge a 28-0. Dins las darrièras minutas, dos ensages de las Anguialas cambièron pas res al sòrt de la partida ni a la victòria de Penrith: 28-12.
E coma èra pas lo jorn de Parramatta, es sus la marca de 12-32 que l’esquipa femenina pèrd en finala del campionat contra las Cavalièras de Newcastle.
Elèit 1:tres victòrias audencas
Veniá als campions 2022 de dobrir la sason d’Elèit 1 amb la recepcion d’Avinhon sus la pelena novèla de la Pepinièra aqueste dissabte de vèspre. Amb l’incorporacion de joves e en esperant l’arribada de qualques jogaires, los Canaris de Carcassona prenguèron la mesura de l’adversari e ganhèron: 32-8.
A Lesinhan, un catalan atalentat mosseguèt un jogaire local tre la primièra accion. Los Dragonets joguèron doncas tota la partida a 12 e perdèron: 16-44.
Albi afirmèt sas intencions en batent Sent Gaudenç: 38-20.
Dimenge, en preséncia de la legenda Sam Burgess, a l’Agulha, Limós metèt de temps a distanciar Pià que privèt del punt de bònus defensiu sus la darrièra ataca: 42-26.
Aquesta fin de setmana, se jogaràn las partidas: Carcassona-Albi; Pià-Vilanòva; Dragonets-Limós; Sent Gaudenç-Lesinhan e Tolosa-Avinhon.
Internacional: Sufís pas d’èsser valents…
Dissabte, en debuta de serada, una esquipa de França B, amb majoritàriament jogaires d’Elèit 1, afrontava los Cavalièrs (seleccion d’angleses de mens de 23 ans) a Merinhac. La diferéncia se faguèt entre de Blaus que saupèron pas marcar sus lor temps de dominacion e d’angleses mai realistas que profeitèron de las escasenças ofèrtas. Fin finala, los vesitaires ganhan 18-6.
L’esquipa de França se recampa a Bordèu abans de partir per Anglatèrra per rescontrar Tònga dissabte a Halifax, e preparar lo primièr rescontre de la Copa del Mond fàcia a Grècia, lo diluns 17 d’octòbre.
Alan Roch
E coma èra pas lo jorn de Parramatta, es sus la marca de 12-32 que l’esquipa femenina pèrd en finala del campionat contra las Cavalièras de Newcastle.
Elèit 1:tres victòrias audencas
Veniá als campions 2022 de dobrir la sason d’Elèit 1 amb la recepcion d’Avinhon sus la pelena novèla de la Pepinièra aqueste dissabte de vèspre. Amb l’incorporacion de joves e en esperant l’arribada de qualques jogaires, los Canaris de Carcassona prenguèron la mesura de l’adversari e ganhèron: 32-8.
A Lesinhan, un catalan atalentat mosseguèt un jogaire local tre la primièra accion. Los Dragonets joguèron doncas tota la partida a 12 e perdèron: 16-44.
Albi afirmèt sas intencions en batent Sent Gaudenç: 38-20.
Dimenge, en preséncia de la legenda Sam Burgess, a l’Agulha, Limós metèt de temps a distanciar Pià que privèt del punt de bònus defensiu sus la darrièra ataca: 42-26.
Aquesta fin de setmana, se jogaràn las partidas: Carcassona-Albi; Pià-Vilanòva; Dragonets-Limós; Sent Gaudenç-Lesinhan e Tolosa-Avinhon.
Internacional: Sufís pas d’èsser valents…
Dissabte, en debuta de serada, una esquipa de França B, amb majoritàriament jogaires d’Elèit 1, afrontava los Cavalièrs (seleccion d’angleses de mens de 23 ans) a Merinhac. La diferéncia se faguèt entre de Blaus que saupèron pas marcar sus lor temps de dominacion e d’angleses mai realistas que profeitèron de las escasenças ofèrtas. Fin finala, los vesitaires ganhan 18-6.
L’esquipa de França se recampa a Bordèu abans de partir per Anglatèrra per rescontrar Tònga dissabte a Halifax, e preparar lo primièr rescontre de la Copa del Mond fàcia a Grècia, lo diluns 17 d’octòbre.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari