Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaArmanhacBrulhés

Un fisician occitan prèmi Nobel de fisica

Parteja lo prèmi amb l’estatsunidenc John F. Clauser e l’austriac Anton Zeilinger, per lor recèrca pionièra en fisica quantica

Tèxte legit

Lo fisician occitan Alain Aspect, nascut a Agen e crescut a Astafòrt (Brulhés), a obtengut ongan lo prèmi Nobel de fisica, partejat amb l’estatsunidenc John F. Clauser e l’austriac Anton Zeilinger. Los tres cercaires an dobèrt la via a l’informacion quantica en demostrant e en utilizant un mecanisme, l’intricacion, que permet de manipular de particulas a distància, e mai de teleportar lors proprietats. Un fenomèn mes en òbra dins la criptografia quantica dins los embrions d’ordenadors quantics.
 
Aspect, Clauser e Zeilinger se despartiràn un prèmi de dètz milions de coronas suedesas, aperaquí 921 400 èuros.
 
Le Petit Bleu d’Agen publica un retrach del fisician gascon.

 



abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
42.

#30 Persitissètz a confondre l'adjectiu "occitan" — o es un païsatge,n per exemple, que non a cap de volontat ni cap de reividicacion de far valer — amb lo nom "Occitan" — designant un èsser uman vivent o naissent o morent en Occitania linguistica, non pas dins l'estat d'exterminacion avançada ont las daissan las autiritats francesas mai actualas, mas tala coma èra abans lo programmatica escolara d'exterminacion — e l'autre nom "occitanista", que designa, a mon punt de vista, qualqu'una o qualqu'un que se reivindican occitans en consciéncia, se que non tanben en actes.

  • 13
  • 9
Fabrici Vairaco
41.

quala persona que sia aguent un rapòrt amb l'espaci occitan*

  • 0
  • 3
Fabrici Vairaco
40.

Los occitanistas volon pas reconeisser que l'etnonime (se cal parlar coma los sabents sabents) "occitan" est encara l'objècte d'una revendicacion politica/culturala e non una realitat socialament reconeguda dins lor pais.
Es precisament la toca de l'occitanisme de donar vida a aquel etnonime.
Per amor que son pas arribats a aquò far, preferisson clugar los uelhs e viure dins lo monde dels potonors en batejant "occitan" qué que sia o quala persona que sia qu'un rapòrt amb l'espaci occitan.

  • 7
  • 18
Gaby
39.

#32
Aqueras duuas entitats existèren istoricament, au reboix de l'Occitania.

  • 7
  • 10
Tarnés
38.

#31
Soi plan content que qualqu'un escrivent en lengadocian aja aquela opinion. Ieu tanbés va pensi.

  • 10
  • 14

Escriu un comentari sus aqueste article