Bandièra01 capçalera  1180x150: Botiga

Actualitats

Haití demanda d’ajuda militara internacionala per metre fin a sa situacion d’inseguretat

Se crenh una granda crisi umanitària a causa de la resurgéncia sobda del colèra mentre que de bandas armadas contraròtlan las carrièras

| Press/Contacto/Adam Delgiudice

Tèxte legit

Lo conselh dels ministres d’Haití aprovèt divendres una resolucion que sollicita del cap del govèrn, Ariel Henry, que demandèsse d’ajuda a la comunautat internacionala e a sas fòrças militaras per tal d’afrontar l'inseguretat que la patís lo país a causa de bandas armadas.
 
Lo conselh dels ministres ditz tanben qu’es alarmat pels risques d’una  granda crisi umanitària a causa de la resurgéncia sobda del colèra, aponduda a la deterioracion accelerada de la situacion de seguretat dins tot lo país.
 
Segon aquela resolucion, Ariel Henry deurà sollicitar e obténer dels sòcis internacionals d’Haití un sosten eficaç mejançant lo desplegament immediat de fòrças armadas especializadas per resòlver la crisi umanitària, çò rapòrta Le Nouvelliste.
 
Tanben segon la meteissa resolucion, aquel clima de seguretat deuriá permetre al govèrn de luchar eficaçament contra lo colèra, de promòure la represa de la distribucion de carburant e d’aiga potabla dins tot lo país, lo foncionament dels espitals, lo recomençament de las activitats economicas e de la liura circulacion de las personas e de mèrças e enfin la redobertura de las escòlas.


abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article