Lo president rus, Vladimir Putin, menaça Ucraïna d'“una dura responsa” après aver bombardat amb de centenas de missils plusors vilas ucraïnesas diluns en daissant un bilanç d’almens 19 personas mòrtas e mai d’una centena de nafradas. Segon lo servici estatal de las urgéncias los atacs an destruch d’infrastructuras civilas dins dotze regions en las daissant sens electricitat ni d’autres provesiments basics. Divèrsas bastissas d’abitatges son avalidas e solament Kyiv a patit una trentena d’incendis.
 
Tanben dimars i aguèt de bombardaments, una cinquantena de missils e mai de drònes iranians serián estats lançats, dont l’armada ucraïnesa auriá interceptat 20 missils e 13 drònes.
 

Putin: This morning, Russia launched massive missile strikes from the air, sea, and land against Ukrainian energy, military command, and communications facilities. pic.twitter.com/Xh1kvh8TYv — Putin Direct (@PutinDirect) October 10, 2022

Lo president ucraïnés, Volodimir Zelenski, a assegurat qu’aqueles bombardaments “non intimidarián pas” e assolidat que l’armada russa subiriá de desfachas “encara mai dolorosas”.


 
Responsa a l’atac sul pont de Kerch
 
Es aital que Putin a respondut a l’atac que lo patiguèt lo pont de Kerch, que jonh la peninsula de Crimèa amb la region russa de Krasnodar. Pel president rus, l’atac del pont es de “terrorisme”, e afirma que respondrà amb mai “d’atacs massius” sus las vilas ucraïnesas se l’armada d’aquel país ensaja de recuperar las zònas ocupadas per Russia.
 
Lo pont de Kerch, inaugurat en 2018, es un simbòl de l’ocupacion russa de Crimèa. Fa 19 km de long e inclutz una autoestrada e un camin de fèrre. L’atac n’a daissat inutilizat lo camin de fèrre, indispensable per provesir los destacaments que l’armada russa a dins lo sud d’Ucraïna. De soslinhar que l’atac sul pont aguèt luòc lo jorn de l’anniversari de Putin.
 

WATCH: The Crimean Bridge, which connects Russia and Crimea, is on fire and has partially collapsed pic.twitter.com/EGaGF0Eb25

— BNO News (@BNONews) October 8, 2022

 
La filha qu’esquiva los missils
 
Suls rets socials a gangassat lo Mond un vidèo realizat per una jove gojata que se filmava amb son telefòn mobil mentre que caminava per las carrièras de Kyiv en fugissent los bombardaments.

 

Christ. Video: Trukha pic.twitter.com/QvIk0GZwUF

— Oliver Carroll (@olliecarroll) October 10, 2022

L’OTAN farà sas manòbras de dissuacion nucleara
 
L’OTAN menarà a bon tèrme sos exercicis annadièrs rotinaires de dissuacion nucleara. Segon Jens Stoltenberg, actual secretari general de l’organizacion atlantica, anullar las manòbras seriá mandar un messatge erronèu a Moscòu. A mai, a afortit que la fòrça militara de l’OTAN èra lo melhor biais d’evitar quina escalada que foguèsse de tensions amb Rússia, qu’a menaçat de l’usatge d’armas nuclearas contra Ucraïna.