Bandièra01 1180x150: Comuna de Tolosa

Actualitats

crotz-tolosaCreated with Sketch.GuianaPeiregòrd

Esperança: sortís lo novèl album del grop de Peiregòrd Humus Machine

Guilhèm Surpas e sos companhs nos porgisson una musica ritmada e positiva que buta a se lançar còp sec dins la dança

| Humus Machine

Tèxte legit

Lo grop de Peiregòrd Humus Machine, menat per Guilhem Surpas e tota una còla de cinc musicians de tria, sortiguèt un novèl album dissabte 15 d’octòbre passat: Esperança. S’agís del segond CD, vengut après Humus Machine, sortit en 2019.
 
Guilhèm Surpas e sos companhs nos porgisson una musica ritmada e positiva que buta a se lançar còp sec dins la dança. Lo grop va quèrre son inspiracion dins la cultura occitana, de segur, mas tanben dins lo reggae, la cançon engatjada e lo rock. Trobaretz demest las composicions originalas una represa de Bob Marley (revirat en occitan) e una autra del grop catalan Dusminguet. Un vertadièr concentrat de biodiversitat culturala!
 
Se pòt ja escotar e visionar lo títol ¨Liure¨, present dins l’album:


 
Totas las entresenhas sus http://www.humusmachine.com/



 
HUMUS MACHINE, Guilhèm Surpas. Esperança. Compagnie du chien rouge, 2022. CD Album, 12 èuros.
            


  

 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Escriu un comentari sus aqueste article