Actualitats
Iran: una jove adolescenta tuada per aver refusat de cantar una cançon pròregim
Asra Panahi moriguèt après los còps de la polícia que reprimissiá una protèsta dins una escòla femenina segondària
Tèxte legit
Las escolanas èran obligadas de participar a una manifestacion en favor del govèrn e de cantar Salam Farmandeh, una cançon ideologica e religiosa que lausa l’aiatollà Ali Khamenei, lo cap suprèm de la teocracia iraniana. Totun, qualques escolanas, dont Asra Panahi, refusèron d’o far e, alara, intrèt la polícia abilhada en civil, los agents batèron las joventas e ne detenguèron dètz, que deguèron èsser menadas a l’espital a causa de la violéncia repressiva. La jove Asra Panahi defuntèt d’una emorragia intèrna causada pels còps de la polícia, çò rapòrta The Guardian.
La mòrt de Panahi a mobilizat amb encara mai d’intensitat los estudiants del país e se prevei que las protèstas contra lo regim aumentaràn.
De lor caire, las autoritats del regim teocratic asseguran que la joventa tuada patissiá ja una malautiá cardiaca e que sa mòrt aviá pas cap de ligam amb la protèsta. Per apiejar lors prepauses, publican una entrevista d’un òme mascat que seriá, çò dison, son oncle. Aquel raconte del govèrn es identic al que publiquèron los mèdias pròches del regim a prepaus de la mòrt de Jina Amini (oficialament Mahsa Amini), que descadenèt la revòlta feminista en Iran.
In #Iran, security forces beat to death 16-year-old schoolgirl Asra Panahi for refusing to sing a song in honor of Ayatollah Khamenei.
— NEXTA (@nexta_tv) October 18, 2022
A new round of protests against the arbitrariness of Islamic fundamentalists began in the country. pic.twitter.com/2dxTZfpZum
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4https://www.arte.tv/fr/videos/095177-000-A/bouddhisme-la-loi-du-silence/
#4
mitans visitats
entrevista
preséncia
#4
Fa quicòm coma 3 setmanas, una emission de la television del servici public tractava de la pedofilia en general. I aviá pas totes los mitans (per exemple los musulmans i èran pas).
Ara, dins lo mejans visitats i aviá de mostièrs bodistas que s'i son denonciats de cases de pedofilia demest los aprenents de monge. E la sequéncia s'acabava sus una temptativa d'entrevista del Dalai Lama que se petacèt per respondre pas tot en quitant pas de sorire. e sa sortida del salon de l'entravista revertava mai una fugida qu'una sortida serena. La preseéncia del pòrta paraula comunicant fin finala enfonzava encara mai l'institucion dins sa fanga.
#4 Chau faire de racharchas sobre internet, podètz trobar un tropèl d’informacions sobre los scandals dins lo bodisme tibetan.
#2 Daus cas de pedofilia dins lo bodisme tibetan? Ente? Qu'es una acusacion greva.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari