Tèxte legit
Aqueste dissabte, França rescontrava Anglatèrra a Bolton. 10 Dragons dins l’esquipa blava e dos dins l’esquipa locala. Los angleses prenián las causas en man e l’alièr Ryan Hall marcava dos còps; puèi, lo pilar Luke Thompson punta entre los pals. Amb las transformacions de Marc Sneyd, aquò fa 18-0. Mas los pols plegan pas atal: un pichon còp de pè a seguir, Artús Morgue marca e transforma. Elòi Pelissièr i va d’un ensag de talonaire al ras del tengut. La pausa interven sus la marca de 18-12 pels angleses.
Tre la represa, Eliott Whitehead marca. A la 50a minuta, es al torn de Victor Radley en seguissent un còp de pè. A l’ora de jòc, Dominic Young i va de son ensag. Amb las transfiormacions de Sneyd, la nòta es passada a 36-12.
Passa sautada de Pelissièr, intercepcion de Dominic Young, 90 mètres de corsa e novèl ensag transformat. Los darrièrs punts seràn pels Blaus: ensag d’Artús Romano e transformacion de Morgue. Victòria anglesa: 42-18. Es pas encara aqueste còp que França tornarà batre Anglatèrra.
Per se qualificar pels quarts de finala d’aquesta Copa del Mond, demòra als Blaus de batre Samoa dimenge que ven. Una esquipa samoana que s’es refaita una santat en batent Grècia: 72-4. Anem, una bona setmana de preparacion e perqué pas? Rendètz-vos dimenge a 6 oras del vèspre (ora occitana) a Warrington.
Aquò cartona
Aquel segond torn a vist de partidas bravament desequilibradas: Austràlia bat Escòcia: 84-0; La Nòva Zelanda balha la leiçon als nòuvenguts de Jamaica 68-6; Fiji fa virar canturla als italians: 60-4. Liban assegura sa qualificacion pels quarts en batent Irlanda: 32-14.
Elèit 1: refòrts de Superliga a Lesinhan e Pià
Aprèp aver anonciat la signatura de l’internacional Benjamin Jullien que Steve McNamara a pas volgut gardar dins l’efectiu dels Dragons, l’esquipa de Pià anóncia l’arribada jos las colors verda e roja de Joseph Paulo, en provenença de Tolosa ont a jogat 2 sasons. Lo jogaire de 34 ans a jogat en NRL (Penrith, Parramatta e Cronulla) e disputat 2 Copas del Mond (una amb Samoa, l’autra amb los Estats Units). Aquò va faire una linha de davants pianenca redobtabla !
Autre jogaire de Tolosa a jónher lo campionat d’Elèit 1: Corey Norman, que signa a Lesinhan. A 31 ans, l’australian e mièg de mesclanha es estat convençut per James Maloney de jónher tre aquesta debuta de novembre la formacion de Corbièras. Norman a jogat 228 partidas en NRL; deuriá evoluir coma talonaire cò dels Verd e Blanc.
En sens contrari, lo jove lesinhanés Tomàs Lacans ven de signar a Fetherstone, formacion que vòl montar del Championship en Superliga.
Al programa de la quatrena jornada d’Elèit 1: Carcassona-St Gaudenç (dissabte); Limós-Avinhon; Pià-Albi; Dragonets-Vilanòva; Tolosa-Lesinhan.
Alan Roch
Tre la represa, Eliott Whitehead marca. A la 50a minuta, es al torn de Victor Radley en seguissent un còp de pè. A l’ora de jòc, Dominic Young i va de son ensag. Amb las transfiormacions de Sneyd, la nòta es passada a 36-12.
Passa sautada de Pelissièr, intercepcion de Dominic Young, 90 mètres de corsa e novèl ensag transformat. Los darrièrs punts seràn pels Blaus: ensag d’Artús Romano e transformacion de Morgue. Victòria anglesa: 42-18. Es pas encara aqueste còp que França tornarà batre Anglatèrra.
Per se qualificar pels quarts de finala d’aquesta Copa del Mond, demòra als Blaus de batre Samoa dimenge que ven. Una esquipa samoana que s’es refaita una santat en batent Grècia: 72-4. Anem, una bona setmana de preparacion e perqué pas? Rendètz-vos dimenge a 6 oras del vèspre (ora occitana) a Warrington.
Aquò cartona
Aquel segond torn a vist de partidas bravament desequilibradas: Austràlia bat Escòcia: 84-0; La Nòva Zelanda balha la leiçon als nòuvenguts de Jamaica 68-6; Fiji fa virar canturla als italians: 60-4. Liban assegura sa qualificacion pels quarts en batent Irlanda: 32-14.
Elèit 1: refòrts de Superliga a Lesinhan e Pià
Aprèp aver anonciat la signatura de l’internacional Benjamin Jullien que Steve McNamara a pas volgut gardar dins l’efectiu dels Dragons, l’esquipa de Pià anóncia l’arribada jos las colors verda e roja de Joseph Paulo, en provenença de Tolosa ont a jogat 2 sasons. Lo jogaire de 34 ans a jogat en NRL (Penrith, Parramatta e Cronulla) e disputat 2 Copas del Mond (una amb Samoa, l’autra amb los Estats Units). Aquò va faire una linha de davants pianenca redobtabla !
Autre jogaire de Tolosa a jónher lo campionat d’Elèit 1: Corey Norman, que signa a Lesinhan. A 31 ans, l’australian e mièg de mesclanha es estat convençut per James Maloney de jónher tre aquesta debuta de novembre la formacion de Corbièras. Norman a jogat 228 partidas en NRL; deuriá evoluir coma talonaire cò dels Verd e Blanc.
En sens contrari, lo jove lesinhanés Tomàs Lacans ven de signar a Fetherstone, formacion que vòl montar del Championship en Superliga.
Al programa de la quatrena jornada d’Elèit 1: Carcassona-St Gaudenç (dissabte); Limós-Avinhon; Pià-Albi; Dragonets-Vilanòva; Tolosa-Lesinhan.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dimars de ser, darrièra partida del segond torn :
Papuasia-Nòva-Guinèa bat las Illas Cook : 32-16.
Dimars de ser, darrièra partida del segond torn :
Papuasia-Nòva-Guinèa bat las Illas Cook : 32-16.
Un autre Dragon a Pià !!!
Aprèp doas sasons amb los Dragons catalans, lo centre neo-zelandés Dean Whare, un temps anonciat a Wigan, rejonh … Pià en Elèit-1.
Aqueste diluns de ser, Los Galeses marcan los primièrs e menan fins a la 35ena minuta.
Los Tongians marcan 3 ensgas en 5 minutas (16-6) e mestrejan lo segond temps (32-6)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari