Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'Aran

L’IEA-AALO fa un apèl a d’articles academics sus l’occitan estandard

Los cal presentar abans lo 1r de novembre de 2023 e devon tractar la concepcion generica, lo foncion o la tòca d’un occitan referencial

| Secretariat de Politica Lingüistica

Tèxte legit

L’Institut d’Estudis Araneses-Acadèmia Aranesa de la Lenga Occitana (IEA-AALO) dobrís una reflexion publica sus l’estandard de la lenga occitana e lança un convocacion d’articles academics sus sa concepcion generica, sa foncion, sa tòca... Los articles devon pas tractar la definicion lingüistica ni establir de proposicions normativas, e los cal presentar fins al 1r de novembre de 2023. Los articles seleccionats recebràn una compensacion de 250 èuros e devon tractar un dels subjèctes seguents:
 
— Existéncia de l’estandard, malgrat tot. Besonh de l’estandard. Vision de Catalonha estant. Vision d’Occitània estant.
 
— Quines aspèctes se devon pensar per la definicion de l’estandard de l’occitan? Paramètres necessaris. Consideracions.
 
— Responsabilitat de Catalonha (ont la lenga occitana es oficiala) e de l’Acadèmia Aranesa de la Lenga Occitana (autoritat sus l’occitan en Catalonha) sus la determinacion de l’estandard. Relacions occitanocatalanas e posicions divèrsas sus la determinacion de l’estandard. La varianta aranesa e la lenga estandard. Usatges de las doas variantas.
 
Los tèxtes se devon presentar en occitan o en catalan. Abans lor presentacion, los autors deuràn mandar un resumit d’aperaquí 1500 caractèrs coma proposicion; puèi l’article, que deurà aver una extension maximala de 20 000 caractèrs, espacis compreses.
 
Totes los articles acceptats seràn objècte de trabalh, discussion e reflexion. Se publicaràn e se debatràn durant de jornadas sus l’estandard qu’organizarà l’IEA-AALO dins las qualas s’avançarà sul posicionament d’aquela institucion a respècte de la lenga estandard.
 
Per mai d’informacion vesitatz lo sit de l’IEA-AALO.



abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
9.

#8
"Sabèm pas çò que nòstres descendents parlaràn."
Frasa senada qu'exclús pas l'occitan, emai siá estandart.

  • 1
  • 0
Espelofit
8.

#7 Las lengas naisson e morisson. N’es aital tanben de las civilizacions.
Nòstres ancessors, abans l’invasion romana, parlavan pas una lenga latina.
Nòstres aujòls parlavan de dialèctes occitans.
Nosautres parlam francés.
Sabèm pas çò que nòstres descendents parlaràn.

Las lengas son lo resultat d’una situacion economica, politica, militara. Son una consequéncia, son pas una causa.
La lenga es lo marcaire d’una realitat umana, quand marca pas res pus, s’avalís. Sa cultura li pòt subreviure per dilucion o desaparéisser atanben.
En Israèl, l’ebrèu modèrne es la consequéncia del sionisme.
M’estonariá qu’al Donbass s’entretuèsson unicament per una question linguistica.
Pasmens, Instrumentalizada, una lenga pòt tanben èsser un mejan de resisténcia, coma un fusilh o un drapèu, tanpauc que i aja un motiu politic, una tòca economica, e qu’aquela lenga represente quicòm socialament. Mas, dins aquel cas, la lenga pòt èsser apariada a una ideologia e morir amb ela.

Ieu prendrai pas las armas per parlar l’occitan estandard pluricentric.



  • 6
  • 6
Franc Bardòu
7.

#6 Se destibar, òc-ben, del temps que nòstra lenga e la consciéncia que n'avèm crèban de lors divisions…

  • 4
  • 5
Destibador
6.

#2
Caldriá se destibar un pauc, òu, l'òme.

  • 4
  • 6
Txatti
5.

#4 qu’ei*

  • 2
  • 0

Escriu un comentari sus aqueste article