Bandièra01 capçalera  1180x150: Novestivada

Actualitats

Elon Musk enfin crompa Twitter e ne licéncia los principals directors

Après qualques meses de combats legals, lo miliardari sud-african a enfin crompat lo ret social per 44 miliards de dolars

Tèxte legit

Après qualques meses de combats legals, lo miliardari Elon Musk a enfin crompat lo ret social Twitter per 44 miliards de dolars. Una de las primièras consequéncias es estat lo licenciament de qualques caps de l’entrepresa, çò rapòrta The New York Times. Demest los dirigents licenciats se tròba Parag Agrawal, que prenguèt en carga lo ret social après la demission de Jake Dorsey, que n’èra lo fondador. Tanben es licenciat lo director de las finanças e lo cap dels servicis juridics, entre tantes.
 
Musk a fach pas cap de comunicat sul cambiament de l’executiu de Twitter, mas après que los mèdias o an raportat a publicat una fiulada que disiá “L’aucèl es liure” en referéncia al lògo del ret social.
 
De fach, Musk aviá considerat l’idèa de licenciar lo 75% dels salariats de Twitter per ne reduire lo deute, mas après el meteis a assegurat que los talhs serián pas tan nauts.
 
Dimècres, Musk vesitèt lo sèti de Twitter a San Francisco, ont afirmèt, amb  sa grandiloquéncia abituala, que la crompa de l’entrepresa cercava “d’ajudar l'umanitat”. Anteriorament, aviá dich qu'o fasiá per garentir la libertat d’expression.
 
 
 

 


abonar los amics de Jornalet

 

 
 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

Lo sistèma Musk mena l'umanitat a sa pèrda se degun l'arrèsta pas. Lo Fraire Màger orwellian poiriá finir per aver un nom.

  • 1
  • 0
Franc Bardòu
1.

Dimècres, Musk visitèt lo sèti de Twitter a San Francisco, ont afirmèt, amb sa grandiloquéncia abituala, que la crompa de l’entrepresa cercava d’ajudar l'umanitat. Auriá degut acabar sa frasa : la crompa de l’entrepresa cèrca d’ajudar l'umanitat a enriquir sempre mai lo solet Musk en escambi de sempre mai d'alienacion tecnocratica ultraliberala…

  • 13
  • 2

Escriu un comentari sus aqueste article