Actualitats
Robèrt Martí: lèu va paréisser un libre sus son “òbra-vida”
Al començament de decembre veirà la lutz un meritat libre d’omenatge al multifòrme militant occitanista que nos quitèt en mai de 2021
Tèxte legit
Un libre d’omenatge a Robèrt Martí va sortir al començament de decembre. S’agís d’una òbra collectiva de testimoniatges e d’analisis qu’evòcan la riquesa de l'òme, de sas facietas multiplas e de sos multiples talents... la figura d'una persona fòra de çò comun. Lo libre lo publica las edicions de l’Institut d’Estudis Occitans. Ara, fins a l’acabada de novembre, se pòt soscriure a l’òbra amb lo fuèlh de soscripcion que trobaretz sul sit d’IEO Edicions.
Aquel libre vòl simplament dire l’òme e son òbra. “L'omenatge s’impausèt a tota la còla coma una evidéncia, per remembrar tot çò que Robèrt nos balhèt e nos balha encara, tot çò que li devèm. Es un biais de lo mercejar e de li dire qu'amb el, fidèlament, contunharem de ganhar de país”, çò rapòrta Eric Fraj.
Lo libre conten de fòtos e d’illustracions de qualitat qu’acompanhan los tèxtes escriches en occitan, en catalan, en espanhòl e en francés per Claudi Alranq, Josep Arasa Ferrer, André At, Mirelha Braç, Joaquín Castillo Blanco, Bernat Cauhapè, Joan-Loís Cortial, Olivièr Daillut, Josiana Daunís-Martí, Joan-Claudi Forêt, Eric Fraj, Jacme Gaudàs, Roger Harvey, Sèrgi Javaloyès, Sèrgi Labatut, Florant Mercadièr, Danièl Rifà, Alan Roch, Esteve Ros, Joan-Claudi Sèrras, Claudi Sicre, Joan Thomàs, Muriel Vernières, Sèrgi Viaule, Joan Vilòta.
Robèrt Martí nos quitèt lo 5 de mai de 2021. Romancièr, umorista e ensenhaire, foguèt un inalassable militant de l’occitanisme que tant foguèt president de l’IEO e ne dirigiguèt la seccion d’edicion e difusion coma nos faguèt estraçar del rire, e tanben soscar, amb son personatge de Padena. La còla de Jornalet plorèrem plan sa partença.
Aquel libre vòl simplament dire l’òme e son òbra. “L'omenatge s’impausèt a tota la còla coma una evidéncia, per remembrar tot çò que Robèrt nos balhèt e nos balha encara, tot çò que li devèm. Es un biais de lo mercejar e de li dire qu'amb el, fidèlament, contunharem de ganhar de país”, çò rapòrta Eric Fraj.
Lo libre conten de fòtos e d’illustracions de qualitat qu’acompanhan los tèxtes escriches en occitan, en catalan, en espanhòl e en francés per Claudi Alranq, Josep Arasa Ferrer, André At, Mirelha Braç, Joaquín Castillo Blanco, Bernat Cauhapè, Joan-Loís Cortial, Olivièr Daillut, Josiana Daunís-Martí, Joan-Claudi Forêt, Eric Fraj, Jacme Gaudàs, Roger Harvey, Sèrgi Javaloyès, Sèrgi Labatut, Florant Mercadièr, Danièl Rifà, Alan Roch, Esteve Ros, Joan-Claudi Sèrras, Claudi Sicre, Joan Thomàs, Muriel Vernières, Sèrgi Viaule, Joan Vilòta.
Robèrt Martí nos quitèt lo 5 de mai de 2021. Romancièr, umorista e ensenhaire, foguèt un inalassable militant de l’occitanisme que tant foguèt president de l’IEO e ne dirigiguèt la seccion d’edicion e difusion coma nos faguèt estraçar del rire, e tanben soscar, amb son personatge de Padena. La còla de Jornalet plorèrem plan sa partença.
 | Collectiu. Robèrt Martí, l'òbra-voda. IEO edicions, 2022. 12 èuros. |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo libre es de trobar en librariá: https://www.espaci-occitan.com/botiga/en/histoire-etudes/2966-robert-marti-lobra-vida-9782859106393.html
Un grand òme que li devi fòrça !
Un grand actor de la modernizacion de la cultura occitana sens la cpar de sas rasics popularas. La lectura d'aqueste libre n'estonarà mai d'un, estant que fòrça mond coneis pas qu'una (o doas) facietas de Robèrt Martí.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari