Bandièra01 1180x150: Comuna de Tolosa

Actualitats

Demandan que la FIFA indemnize los trabalhadors espechats de Qatar

Mai de 6500 trabalhadors migrants son mòrts dins de condicions abusivas e gaireben d’esclavatge

| AP Photo/Martin Meissner

Tèxte legit

Dimenge que ven, començarà la Copa del Mond de fotbòl a Qatar, un eveniment  que ja divendres lo raportàvem coma plan polemic. Ara, una campanha de signaturas en linha ven d’èsser aviada per que la FIFA indemnize los obrièrs migrants emplegats per l’eveniment dins un regim pròche de l’esclavatge, coma o demandan divèrsas ONG. Se reclama que la FIFA resèrve 440 milions de dolars per aqueles trabalhadors, çò es l'equivalent de la soma remesa a las esquipas de fotbòl participantas.
 
Segon un rapòrt d’Amnestia Internacional, los trabalhadors emplegats en Qatar son mai que mai de migrants qu’an patit d’abuses e una esplecha inumana. Segon aquel rapòrt, l’abús mai comun es lo non-pagament dels salaris. A mai, los emplegats an degut pagar de tarifas d’engatjament illegalas elevadas per las qualas an degut demandar de crèdits, çò qu’a entraïnat una situacion desesperanta per eles e lors familhas dins lors païses d’origina. Se denóncia tanben de trabalhs forçats e mai de 6500 mòrts.
 
La campanha de signaturas lançada sus Avaaz denóncia que la FIFA a daissat lo regim despotic de Qatar aculhir aquel eveniment e, doncas, exigís que la federacion internacionala de fotbòl resèrve la meteissa quantitat d’argent als esplechats qu’als esportius, çò es 440 milions de dolars.
 
 

 

abonar los amics de Jornalet

 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
1.

Que la FIFA se faga pas de lagui. E França, los quites mèdias d'estat invitan de charraires per li trobar d'excusas. A ela e al Platini. Emai t'explican que l'emir es plan brave mas que son los imams que fan pression. Un emir somés a de lobbies ? Aquela empèga !

  • 1
  • 0

Escriu un comentari sus aqueste article