Bandièra01 1180x150: Comuna de Tolosa

Actualitats

Turquia a detengut una femna de Rojava e 46 personas mai per l’atemptat terrorista a Istambol

Segon la polícia turca, auriá admés aver agit sus òrdre del PKK e aver recebut de directivas de Kobanê estant

Tèxte legit

Las autoritats de Turquia anoncièron ièr la detencion d’una femna, sospechada d’aver perpetrat l’atemptat terrorista que se faguèt dimenge a l’avenguda İstiklal d’Istambol, en tuant 6 personas e en nafrant d’autras 83. Lo ministre de l’Interior, Süleyman Soylu, diguèt que l’atemptat èra restacat amb lo Partit dels Trabalhadors de Curdistan (PKK), organizacion que l’a declarada terrorista l’estat turc.

La femna interpelada auriá reconegut los faches de matin. Segon la polícia turca, auriá admés aver agit sus òrdre del PKK e aver recebut de directivas de Kobanê estant. En seguida an detengut d'autras 46 personas.
 
Istambol a patit qualques atemptats, coma l’atac suicidari tanben a l’avenguda İstiklal en 2016 de part d’un presumit membre de l’autoproclamat Estat Islamic que tuèt cinc personas.
 
Aquel an, las milícias curdas del PKK s'atribuiguèron la responsabilitat d’un atemptat amb bomba que tuèt 38 ciutadans a l’entorn de l’estadi del Beşiktaş en centre vila.


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Tomàs Bordèu
3.

èi devut cercar qu'èra İstiklal pr'amor que non vedèvi mei (es lo nom turc de la grand carrèira de Pèra)

  • 0
  • 0
Franc Bardòu
2.

E per avor dins una preison turca qué que siá emai lo contrari, basta de se daissar anar : l'acuèlh i es tant meravelhós !

  • 3
  • 1
Pitaluga
1.

En Turquía basta èsser curd per èsser acusat de terrorisme.

  • 15
  • 1

Escriu un comentari sus aqueste article