Bandièra01 1180x150: Comuna de Tolosa

Actualitats

crotz-tolosaCreated with Sketch.GuianaAgenésNaut Agenés

Tonens: l’assassinat d’una adolescenta de 14 ans a esmogut lo país

Es detengut un òme de 30 ans de Marmanda qu’a avoat lo crime. Èra conegut per una agression sexuala e un viòl quand èra adolescent

Lo còrs de la jove filha foguèt trobat dins un ostal abandonat a Gontaud de Nogaret (Marmandés) ont lo quite detengut aviá menat los gendarmas après son arrestacion
Lo còrs de la jove filha foguèt trobat dins un ostal abandonat a Gontaud de Nogaret (Marmandés) ont lo quite detengut aviá menat los gendarmas après son arrestacion | Loïc Déquier

Tèxte legit

L’assassinat d’una adolescenta de 14 ans a Tonens (Naut Agenés) esmoguèt lo país durant la dimenjada passada. Un jove marmandés de 31 ans foguèt detengut dissabte après aver confessat l’aver raubada a la sortida del collègi e tuada per estrangulacion. Lo còrs de la jove filha foguèt trobat dins un ostal abandonat a Gontaud de Nogaret (Marmandés) ont lo quite detengut aviá menat los gendarmas après son arrestacion, çò rapòrta Sud-Ouest.
 
Divendres, la familha aviá denonciada la desaparicion de la gojata. Alavetz, la gendarmariá agachèt los imatges de videosusvelhança, çò que los menèt sus la pista del detengut, qu’èra ja conegut pels servicis judiciaris per de faches d’agression sexuala e de viòl sus menor en 2006 e 2008. N’èra estat condemnat a 15 jorns de preson. Dempuèi 2011 èra pas seguit per cap de contraròtle judiciari.
 
 




abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article