Bandièra01 1180x150: Comuna de Tolosa

Actualitats

EspòrtInternacionalPolitica

La FIFA menaça las sèt seleccions que volián portar lo braçal LGBT en Qatar

“Sèm fòrça frustrats per la decision de la FIFA, que cresèm qu'a pas de precedent”

Tèxte legit

Las sèt seleccions que s’èran engatjadas a portar un braçal revendicatiu dels dreches de las personas LGBT pendent la Copa del Mond de Fotbòl de Qatar, an renonciat a o far après las menaças de la FIFA, çò rapòrta The Guardian. La federacion de fotbòl aviá avertit qu’impausariá de sancions esportivas se lors capitanis portavan un braçal amb la devisa “One Love” (un amor). S’agís de las seleccions d’Anglatèrra, de Galas, Belgica, Danemarc, d’Alemanha, dels Païses Basses e de Soïssa.
 
Dins un comunicat conjonch, las sèt seleccions an explicat que vòlon pas far córrer de risques als jogadors: “Èrem dispausats a pagar de multas, mas podèm pas expausar los jogadors a una situacion ont pòscan èsser sancionats o quitament obligats d’abandonar lo terren de jòc”. E apondon: “Sèm fòrça frustrats per la decision de la FIFA, que cresèm qu'a pas de precedent”.
 
 
 


abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article