Actualitats
An enebit per totjorn l’accès a la seleccion d’un jogaire de fotbòl grèc per far lo salut nazi
Dins una partida de primièra division, Giorgos Katidis saludèt a la faiçon nazi après marcar lo gòl de la victòria
Lo jogaire de fotbòl de l’AEK d’Atenas, Giorgos Katidis, es estat suspendut per totjorn de jogar amb la seleccion grèga de fotbòl per aver celebrat, la dimenjada passada, amb lo salut nazi, lo gòl que donèt la victòria a son esquipa, dins una partida de primièra division. Aquò, o anoncièt dimenge passat la Federacion de Fotbòl, que condemnèt categoricament lo comportament: “Lo gèst de l’esportiu de saludar los espectators en fasent lo salut nazi escomet lo sens comun, es prigondament irrespectuós amb totas las victimas del nazisme e se debana pas dins la natura pacifica e umana del fotbòl”.
Après la partida contra l’esquipa de Veria, lo jogaire de vint ans demandèt excusa sul sieu Twitter: “Soi pas faissista, o auriái pas fach s’aguèsse sauput çò que voliá dire. Se n’aguèsse sauput las consequéncias, o auriái pas fach jamai”.
L’entranaïnaire de l’AEK, l’alemand Ewald Lienen, justifiquèt lo jogaire: “Es un gojat jove, sens idèas politicas. Çò mai probable es qu’aja vist lo salut sus Internet o en qualque autre luòc e que l’aja fach sens saber çò que significa”.
Katidis, qu’aviá ja jogat amb la seleccion sub-19 de Grècia, aviá d’opcions de montar a la primièra esquipa nacionala.
Après la partida contra l’esquipa de Veria, lo jogaire de vint ans demandèt excusa sul sieu Twitter: “Soi pas faissista, o auriái pas fach s’aguèsse sauput çò que voliá dire. Se n’aguèsse sauput las consequéncias, o auriái pas fach jamai”.
L’entranaïnaire de l’AEK, l’alemand Ewald Lienen, justifiquèt lo jogaire: “Es un gojat jove, sens idèas politicas. Çò mai probable es qu’aja vist lo salut sus Internet o en qualque autre luòc e que l’aja fach sens saber çò que significa”.
Katidis, qu’aviá ja jogat amb la seleccion sub-19 de Grècia, aviá d’opcions de montar a la primièra esquipa nacionala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
De notar qu'aqueu club, que son nom entier es "Associacion Atletica de Constantinòple" (dins lo cas que tornarian recuperar Constantinòple un d'aquelei jorns, è ! cu va saup ?...), es un club que sei suporters e mai sa direccion son istoricament anti-fascistas (au còntre d'autrei clubs grècs).
Sei grops de suporters son embessonats amb aquelei de l'OM. D'aqui una bandeiròla d'un gost remirable l'a quauqueis annadas per una partida entre AEK e PSG ("PAris, ce soir c'est le 14 février jour de l'amour : Paris ce soir on t'enc...).
Katidis es estat suspendut per l'AEK fins a la fin de la temporada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari