Bandièra01 1180x150: Comuna de Tolosa

Actualitats

EspòrtInternacionalPolitica

Qatar reconeis ara la mòrt d’entre 400 e 500 obrièrs dins los preparatius de la Copa del Mond de fotbòl

Una donada fòrça pus bassa que la publicada per The Guardian, que parla de 6000 mòrts, e d’Amnestia Internacionala que ne rapòrta 15<@ >000

Tèxte legit

Hassan Al Thawadi, la pus nauta autoritat de l’organizacion de la Copa del Mond de fotbòl en Qatar, a reconegut qu’entre 400 e 500 obrièrs serián mòrts pendent los trabalhs de preparacion de l’eveniment. O a dich dins una entrevista facha pel jornalista anglés Piers Morgan, malgrat que n’aja pas precisat lo nombre concret: “N’ai pas lo nombre exacte. Un mòrt es tròp, simpletament”, çò a apondut.
 
Fins ara, Qatar aviá reconegut solament la mòrt de 37 obrièrs, una chifra fòrça diferenta de la publicada dins las enquistas d’Amnestia Internacionala, que parla de 15 000 mòrts que las autoritats camoflavan darrièr de trebols respiratòris e de malautiás cardiovascularas mas en cap de cas restacavan pas a l’esplecha dels trabalhadors.
 
De son caire, lo jornal anglés The Guardian faguèt sa pròpria enquista e revelèt que dempuèi 2010, an que l’emirat èra vengut l’òste de l’eveniment, i aviá agut 6500 obrièrs immigrants defuntats.
 

 
 


abonar los amics de Jornalet

 


 
 
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
1.

Abans ièr, la presidenta de las Amistats franco-chinesas disiá al fenestron que las chifras de l'estat chinés son pas de fisar e que las cal multiplicar al mens per 10. La chiffra de 5000 mòrts del Covid en China es per se tustar lo cuol per tèrra. N'es parièr de las chifras disneylandianas del Qatar a prepaus dels estrangièrs mòrts dins la construccion : las cal multiplicar al mens per 10, e mai se se parla de la construccion en general e pas solament dels estadis. Ba ! Aval de tot biais, los estrangièrs, se son pas clafits de dardenas, valon mens qu'un pet de lapin.

  • 4
  • 0

Escriu un comentari sus aqueste article