Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Lo podcast de Ràdio Occitània: Gerard Zuchetto prepara l’anniversari de l’Ostal d’Occitània

Tèxte legit

En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, escotaretz sus las ondas l’entrevista del compositor, poèta e autor Gerard Zuchetto. Dempuèi 1985, Zuchetto canta los trobadors, los classics occitans e los poètas contemporanèus. Es tanben l’editor de Tròba Vox, lo labèl occitan independent qu’ajuda a l’espandiment de las creacions musicalas e poeticas. Aquesta setmana, conta a nòstres confraires de Ràdio Occitània las animacions que prepausa pel 16 de decembre venent a l’ocasion de l’anniversari de l’Ostal d’Occitània.


Coma cada an, la data del 16 de decembre es un moment especial pel mond de l’Ostal d’Occitània. Es l’anniversari del jorn que la comuna de Tolosa daissèt la clau de l’Ostal de Boisson-Etxeberri, ancian ostal del sègle XV possedit primièr per de rics mercands  originaris de Roergue. Es l’escasença a cada còp de tota una jornada d’animacions. Ongan viraràn a l’entorn de la tematica trobadorenca sus convidacion del Gerard Zuchetto. Avèm devisat amb el dels elements programats per aquela jornada.






abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Josep Malpeu Pau
1.

Se tracta pas de "Ràdio Occitània" (amb un accent) mas de Ràdio Occitania (sens accent). Es lo nom oficial de la ràdio. Idem per l'Ostal d'Occitania (sens accent), carrièra Malcosinat a Tolosa. N'i a pro del revisionisme lingüistic !

  • 0
  • 0

Escriu un comentari sus aqueste article