Lo president de Serbia, Aleksandar Vučić, a anonciat que demandariá a l’OTAN permission de desplegar l’armada e la polícia sèrbas en Kosova dins l’encastre d’una pojada de las tensions als ponches frontalièrs. E mai aja dich que pensa que l’OTAN rebutarà aquela demanda, Vučić defend que Serbia a drech de’n far la sollicitacion.
 
Vučić desira que Serbia pòsca desplegar fins a un milièr de militars e policièrs dins las doanas, los sits religioses ortodòxes e los airals de Kosova de majoritat sèrba.
 
Dissabte passat, la presidenta de Kosova, Vjosa Osmani, anoncièt lo repòrt de las eleccions dins lo nòrd del país, de majoritat sèrba, ont ara per ara an demissionat de cònsols màgers, jutges e policièrs. D’efièch, de partits sèrbes an renonciat a participar a la vida politica.