Segon la directritz executiva de l’UNICÈF, Catherine Russell, mai d’11 000 enfants son mòrts o nafrats dins la guèrra de Iemèn. Dins un rapòrt presentat diluns, l’agéncia de las Nacions Unidas pels enfants assegura qu’aquela guèrra, que comencèt fa 8 ans, es una de las piègers crisis umanitàrias del Mond e qu’o serà mai encara: “De milièrs d’enfants son mòrts e de centenas de milièrs d’eles son en perilh de mòrt a causa de malautiás prevesiblas o de la famina”, çò diguèt Russell.
 
Lo document rapòrta qu’aperaquí 2 200 000 enfants de Iemèn son desnoirits, que de quatre parts una son de menors de cinc ans e que corron lo ric extrèm de patir lo sarrampiud, lo colèra e d’autras malautiás que se poirián prevenir amb de vaccins.
 
Una autra donada esfraiosa d’aquel rapòrt es qu’estima qu’aperaquí 3900 enfants son recrutats dins lo conflicte.
 
Dempuèi març de 2015, las armadas d’un desenat de païses, dirigits per l’Arabia Saudita, agarrisson la milícia shiita dels huthis en Iemèn. Aquesta milícia, tanben coneguda coma Ansar Allah (los Partisans de Dieu) a lo supòrt d’Iran. Participan als bombardaments cinc païses del Conselh de Cooperacion del Golf ansin coma Egipte, Marròc, Jordania, Sodan e Paquistan. De lor costat, los Estats Units autorizèron un sosten logistic als atacs saudians contra los huthis.

 

The war in #Yemen has put young lives at risk.

More than 11,000 have been killed or injured, while hundreds of thousands are at risk of death due to starvation and disease, @UNICEF reports.https://t.co/XvXhxFyDnh

— UN News (@UN_News_Centre) December 12, 2022

 

I was in Yemen this week where I launched UNICEF’s humanitarian appeal for children. During my visit, I met some of the nearly 13M children in need of life-saving aid. We cannot fail them & millions more children around the world who need our support. Now. https://t.co/a83h3fTXsCpic.twitter.com/RQ8ummyotg

— Catherine Russell (@unicefchief) December 9, 2022