Bandièra01 1180x150: Comuna de Tolosa

Actualitats

EspòrtPoliticaSocietat
crotz-tolosaCreated with Sketch.LengadòcLengadòc BasMontpelhierenc

Montpelhièr: un adolescent mòrt dins las celebracions de la victòria de la seleccion francesa de fotbòl

A París la polícia desarticulèt un grop armat qu’aviá transformat los Aliscamps en un prat batalhièr

Tèxte legit

Un adolescent de 14 ans moriguèt dins la nuèch de dimècres a dijòus a Montpelhièr, ronçat per una veitura. Menat d’urgéncia a l’espital defuntèt lèu. Lo menaire fugiguèt e la polícia lo cèrca del temps que lo ministèri public a dobèrt una enquista. La veitura l’an trobada al meteis quartièr de la Palhada ont se tenguèt lo crime.
 
Suls imatges publicats suls rets socials, se pòt veire cossí la veitura ronça a tota velocitat un grop de joves dont la victima que foguèt traïnada qualques mètres fins que demorèsse completament immobila. Segon qualques mèdias, l’adolescent aviá ensajat de retirar un drapèl francés de la vitra del veïcul.
 
La seleccion francesa de fotbòl ganhèt contra la de Marròc dins una nuèch tragica per tot l’estat francés ont i aguèt de rambalhs. La polícia faguèt 115 arrestacions, la majoritat a París, ont se desarticulèt un grop armat qu’aviá transformat los Aliscamps en un prat batalhièr.
 
D’autre caire, quitament a Brussèlas aguèron luòc de rambalhs ont la polícia intervenguèt amb de canons d’aiga e de gases lacrimogèns.


 
 

 
 

abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

D'unes fan de seguida lo ligam amb l'extrèma drecha.
Se cal mesfisar de las conclusions a la lèsta. E encara mai dins lo quartièr de La Palhada qu'es un quartièr complicat.
Es pas perque la veitura anava amb de drapèus tricolòrs que se tracha de faiscistas. L'enquista sembla s'orientar vers quicòm mai. Esperem per veire.

  • 5
  • 0
Ugenon
1.

Pasmens, s'aviá pas agut la bona idèia d'agressar una veitura que portava lo drapèlh de las tres  colors, seriá enquèra aquí lo fanton… aquò  es maleirosament d'una logica implacabla !

  • 4
  • 5

Escriu un comentari sus aqueste article