Lo primièr ministre dels Païses Basses, Mark Rutte, a demandat perdon oficialament en nom de l’estat neerlandés per son ròtle istoric pertocant lo trafec d’esclaus. D’efièch, a dich que l’esclavatgisme lo caliá denonciar “dins los tèrmes mai clars” coma un crime contra l’umanitat.
 
Rutte faguèt aquela declaracion diluns passat als Archius Nacionals, situats a l’Aia, ont diguèt qu’èra impossible d’escafar lo passat mas que lo caliá afrontar e que se deviá reconéisser que los Païses Basses permetèron “ l’esclavatge, l’encoratgèron e ne tirèron profièch”.
 
“Pendent de sègles, las gents foguèron mercantilizadas, esplechadas e comercializadas en nom de l’estat neerlandés”, çò precisèt Rutte en tot admetre qu’aquò aviá causat “un grand patiment, que contunha a l’ora d’ara d’afectar la vida de las gents”. “Per aquela rason, en nom de l’estat, demandi perdon.”
 
L’esclavatge s’aboliguèt als Païses Basses e dins sas colònias lo 1r de julhet de 1863. Foguèt un dels darrièrs estats a l’illegalizar. Totun, en Surinam, l’abolicion intrèt en vigor un decenni pus tard, quand s’acabèt lo periòde de transicion previst per las autoritats.

 

In my speech about the role of the Netherlands in the history of slavery I apologised on behalf of the government for the past actions of the Dutch State. Read the full speech here: https://t.co/mcjkHzCMWrpic.twitter.com/OMtfiP2ulA — Mark Rutte (@MinPres) December 19, 2022