En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, escotaretz sus las ondas l’entrevista de Liza, jornalista en occitan per l’emission Vaquí de France 3, cantadora, musiciana e animatritz; a fach un fum d’animacions per enfants amb de projèctes coma Leon lo Gripeton e Patonet. Ara ven de publicar un album tranquil de jazz pòp e lo presenta a nòstres confraires de Ràdio Occitània.

Après un temps consagrat a la musica pels enfants, l’anglooccitana Liza se’n torna amb un novèl album entitolatWhy not?, o “perqué pas?” en lenga nòstra. Disponible dempuèi lo 10 de decembre en numeric e sonque aital, es una mescla tranquilla de jazz pòp que se pren pas lo cap. La cantadora nos autregèt una minuteta de son emplec del temps de ministra per devisar d’aquel novèl òpus.