Bandièra01 1180x150: Comuna de Tolosa

Actualitats

Excepcionala èrsa de freg als Estats Units

Se prevei de temperaturas minimalas de -57°C

Tèxte legit

Mentre qu’en Occitània avèm un temps de Calendas inabitualament caud, lo nòrd d’America patís una èrsa de freg intensa, mai que mai los Estats Units ont lo servici de meterologia prevei que s’atenga una temperatura minimala de -57°C.
 
La causa n'es una granda tempèsta d’ivèrn sonada Elliot e inedita per tota una generacion. Avertisson que la combinason de freg e de vent pòt arribar a un ponch de congelacion d’entre cinc a dètz minutas.
 
Delà los nombroses accidents causats pel glaç, cal apondre l’anullacion de mai 5000 vòls d’avions mentre que mai de 10 000 d’eles son reportats a causa del tempèri. De soslinhar que per Nadal l’activitat aeriana dels Estats Units es especialament nauta pr’amor que totplen de familhas s’amassan per festejar ensems.
 
Mai d’un milion de ciutadans an pas d'electricitat dins qualques estats, la majoritat dins lo nòrd-èst dels Estats Units. De son caire, l’estat de Florida demanda de se sarrar pas de las iguanas geladas. Aqueles animals, d’efièch, quand se gèlan intran en letargia mas quand recobran lor temperatura normala pòdon reagir amb violéncia.
 
 
 
abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Reinat TOSCANO LO VAU
1.

Ren de ben noveu!
https://youtube.com/watch?v=VKvJm2ROX_8
https://www.youtube.com/watch?v=wwI0FWhjTNs

  • 2
  • 0

Escriu un comentari sus aqueste article