Bandièra01 1180x150: Comuna de Tolosa

Actualitats

Ven de morir Joseph Ratzinger, mai conegut coma lo papa Beneset XVI

Intellectual e teologian conservator, susprenguèt totòm en 2013 en demissionant del pontificat

Tèxte legit

Coneisserà pas l’an nòu gregorian dins nòstre Mond: dins sos 95 ans ven de morir lo papa dich emerit Beneset XVI, dins lo monastèri Mater Ecclesiae situat dins los jardins de l’estat pontifical de Vatican. Son títol de “papa emerit” l’aqueriguèt en 2013 quand, al mièg de l’estonament general, demissionèt del pontificat.
 
Que lo menèt a aquela retirada anticipada, jamai vista dempuèi de sègles dins l’istòria del catolicisme? La lassièra de l’edat? L’oposicion a sas opinions fermament conservatrises fàcia al marxisme, al liberalisme e a una “dictatura del relativisme” que la predisiá dins las societats occidentalas? Las vivas controvèrsias sus los abuses sexuals de menors que los cometèron de religioses, e qu’el auriá pas pro combatut? Las sospièchas de corrupcion al Vatican? De marridas relacions amb la Cúria que govèrna l’estat papal? Lo fach d’èsser pas un tan grand comunicator coma son predecessor Joan Pau IId, totun tan conservator coma el?
 
Es, totun, segur que daissèt una granda influéncia sus lo catolicisme de la fin del sègle XX. Nascut Joseph Ratzinger en Bavièra, professor universitari e teologian reconegut, autor de libres fòrça legits, foguèt d’en primièr un dels artisans del concili Vatican IId que volguèt modernizar la Glèisa, abans d’evoluir devèrs de posicions mai conservatrises que lo menèron, coma prefècte de la Congregacion de la Fe e braç drech teologic de Joan Pau IId, a combatre e far sancionar de prèires jutjats tròp progressistas, coma los de la Teologia de la Liberacion, populara en America latina.
 
Curiosament e paradoxalament, es precisament d’America latina que li venguèt coma successor un cardinal del ton mai progressista, l’argentin Jorge Bergoglio, ara lo papa Francés.
 


abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guilhabèrt de Castras Montsegur
4.

#3 Ratzinger es estat un papa de tot biais plan mens piéger que los que condemnèron o daissèron condemnar totas las victimas de l'inquisicion, notadament los de ma fe, la dels Bons Crestians merpresosament qualificats de catars…

Totun plan mai m'agrada lo seguent que considèra coma clarament diabolic lo neoliberalisme. Aquò, si qu'es de teologia coma l'entendi…

Cal dire qu'es vengut plan complicat de creire en dieu creator del mond, bon e tot-poderós, mai que mai après Auschvitz, Estalin, Pol-Pot, Hitler, Mussolini, Franco, emai après lo coble Reagan-Thatcher. Mas creire a l'existéncia del diable es vengut, ben al contra, de mai en mai aisit ! Las pròbas, las avèm cada matin e cada ser jol nas, de contunh…

  • 1
  • 0
carles països valencians
3.

un papa humil, gran pensador, conservador, teòleg de primera, que té escrits meravellosos sobre Déu, l'església i el seguiment de Jesús. ha tingut que lluitar fort contra les màfies i lobis del vaticà, va deixar el càrrec per coherència, deixant pas a que un aire nou entrara en la comunitat catòlica. Que descanse en pau

  • 3
  • 1
Papa, ont sias (Papaouté ? Papaouté ?)
2.

Coma o-disia aquel Shakespeare, "Much ado about nothing" (Un fais de rambalh per pas res)

  • 1
  • 1
Pitaluga
1.

Paure Ratzinger que carguèt amb totes los escandals que Sant Joan Pau li daissèt en eritatge !

  • 7
  • 3

Escriu un comentari sus aqueste article