Bandièra01 capçalera  1180x150: Novestivada

Actualitats

Birmania: lo govèrn militar a anonciat l’amnestia de 7012 presonièrs

Per contra, an aumentat fins a 33 ans la pena per l’èx-cap del govèrn Aung San Suu Kyi. I a encara mai de 13 000 presonièrs politics

Tèxte legit

Lo govèrn militar que govèrna Birmania après lo còp d’estat del 1r de febrièr de 2021 a anonciat l’amnestia de 7012 presonièrs dins l’encastre de la celebracion del 75n anniversari de l’independéncia del país. Pasmens, a aumentat fins a 33 ans la pena de preson per l’èx-conselhièra d’estat, valent a dire alavetz cap del govèrn, Aung San Suu Kyi.
 
Ça que la, l’Associacion d’Assisténcia als Presonièrs Politics remarca que, malgrat l’amnistia autrejada, i a encara mai de 13 000 personas encarceradas per de rasons politicas.
 
 
33 ans de preson per Aung San Suu Kyi
 
La setmana passat, un tribunal militar apondèt 7 ans de preson a Aung San Suu Kyi, qu’ara comola una pena de 33 ans. Lo govèrn putschista l’acusa d’una frauda presumida comesa per son partit, la Liga Nacionala per la Democracia (LND), pendent las eleccions de novembre de 2020, que ganhèt amplament.
 
 
Eleccions
 
Segon lo cap de la joncha militara, Min Aung Hlaing, “un còp que las prescripcions de l’estat d’urgéncia se seràn complidas, s’organizarà d’eleccions liuras e justas confòrmas a la Constitucion de 2008”, çò afirmèt pendent la commemoracion del Jorn de l’Independéncia .

 



abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
3.

#2 M'es sortit "bodiastas" per "bodistas", mas fin finala es un polit neologisme per definir aquela còla de maufatans.

  • 1
  • 0
Pitaluga
2.

E los bodiastas qu'apiejan la junta !
E de piòts "occidentals" que badan lo bodisme !
Coma se i aguèsse una religion que valguèsse mai que las autras... Tsss !

  • 1
  • 0
Ourlhat Aurillac
1.

amnestìa ? pas amnistìo ?

  • 1
  • 0

Escriu un comentari sus aqueste article