Actualitats
Rodés: un jòc en occitan creat per dos dròlles d’11 ans a ben capitat
Imaginat e concebut dins un obrador d’art, lo jòc se vend dins qualques botigas de Rodés e lèu serà emplegat dins cèrtas classas de Roergue
Tèxte legit
Dos dròlles roergasses d’11 ans, Louis Dubois e Tiziano Pettinari, an imaginat e concebut un jòc de las 7 familhas en occitan sul tèma de la campanha qu’a conegut lèu una bèla capitada, çò rapòrta France 3. Lo jòc deviá simplament èsser distribuït a las familhas e camaradas dels dos amics, mas fin finala se n’es publicat 125 exemplars distribuits dins de botigas de Rodés que son gaireben totes venduts.
Los dos amics aguèron aquela idèa dins un obrador d'art. La professora de dessenh, Angélique Ruelle, ditz a France 3 que los joves “sabián vertadièrament çò que volián” e qu’ela foguèt mai “en guidatge per las tecnicas d'aqüarèla”.
Lo jòc serà probablament lèu utilizat amb de tòcas educativas dins cèrtas classas de Roergue.
Los dos amics aguèron aquela idèa dins un obrador d'art. La professora de dessenh, Angélique Ruelle, ditz a France 3 que los joves “sabián vertadièrament çò que volián” e qu’ela foguèt mai “en guidatge per las tecnicas d'aqüarèla”.
Lo jòc serà probablament lèu utilizat amb de tòcas educativas dins cèrtas classas de Roergue.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una bona idèia, amb un esvenidor d’aqui estant que se pòt far ambe d’autris sicuts :
Las familhas dels pintors occitans, los classic, los baròc, los neo-classic, los orientalitas, los rococo, los impressionistas, los moderns … eca un bon mejan per se tornar apropria çò nòstre.
Se pòt far tanben ambe los trobadors
Ambe l’istòria nòstra
Ambe los escrivans nòstres
…… l’aplicacion es sens cap de fin o gaireben e aprenaire tanben.
Remirable! Òsca als joves amics! Per cèrt: soi segur que s'aqueste jòc èra crompable sus la botiga de Jornalet, se n'esgotarián las existéncias abans la dimenjada!
#1 un messatge plen d'esper e d'encoratjament en aquesta debuta d'annada! Morta? la vos desiri coma la volètz aquesta annada. Per ma part lo desiri viva e plena de polidas idèas e realizacions, coma aquesta de Louis e Tiziano. Lor realizacion aguèt ja un grand efèit: tot plen de monde n'an parlat e ai ausit tres avaironeses (pas de militants occitanistas pr'aquò!) dire que, ne trobèsson, ne cromparian un jòc atal. Osca!
Solide que'us cau felicita,r aqueths joens, mes malaja, lo lor tribalh qu'ei en de balas!
que n'avem a pièlas documents com aqueth qui prenen la posca en los estruç de las mediatècas...libes, jòcs, cartas, etc. Los problèmas de hons ne son pas davantejats e ne hèm pas bricolejar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari