Bandièra01 1180x150: Comuna de Tolosa

Actualitats

InternacionalPolitica

Daniel Ortega avertís de la “reïnstallacion del faissisme” a prepaus de Bolsonaro

Pel president de Nicaragua, “en Euròpa espelisson dobèrtament de partits faissistas qu’arriban tanben als govèrns, e ara o vesèm en Brasil e en Bolívia”

Tèxte legit

Demest las nombrosas reaccions internacionalas a l’assaut bolsonarista contra los principals sits del poder democratic a Brasília, lo president de Nicaragua, Daniel Ortega, a parlat sens sal ni pebre per avertir de “la reïnstallacion del faissisme” dins lo Mond; concretament “als Estats Units e en Euròpa ont espelisson dobèrtament de partits faissistas que fan campanha e arriban tanben als govèrns, e ara o vesèm en Brasil e en Bolívia”, çò a dich pendent son parladís d’installacion del periòde legislatiu 2023 de l'Assemblada de Nicaragua.
 
Ortega a declarat que l’èx-president de Brasil Jair Bolsonaro “es un faissista” e qu’o amaga pas, quitament pas son racisme. “Es partit a Miami pr’amor qu’aquí es lo formiguièr de totes los que conspiran contra los pòbles que luchan per lor autodeterminacion, per lor independéncia”, çò a precisat.

 
 

 
 
abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Enfant de vinhairon
6.

#4
Per un còp, d'acòrdi amb vos !
Non, m'engani : deu èsser lo tresen.
Vesètz : Cal pas desesperar.

  • 0
  • 0
Valadier Jean-Charles Tolosa
5.

Daniel Ortega, a causa de violacions repetidas dels dreits de l'òme que fan l'objècte de criticas d'ONG coma Amnesty International, es qualificat de « dictator dels temps modèrnes

  • 4
  • 1
carles països valencians
4.

“es un faissista"
quin desvergonyit aquest ortega, ell mateix és un dictador fortíssim i té a l'oposició tancada a la presó i governa el "seu pais" amb má de ferro.
quanta hipocresia

  • 2
  • 1
Farda lorda
3.

#2

Sabiài pas que i avià domènis enebits per parlar occitan.

Pensi que nos devèm de parlar de tot, d’aqui que se s’i parla pas occitan daissèm plaça al francés. Es benlèu atal que lo francès nos a pogut mai d’aqui qu’avèm quitat de parlar, escriure nòstra lenga , per mantunas razons segur. Dins l’amira d’una reconquista supausada o reala es nòstre pretzfach de parlar de tot dins la lenga nòstra.

Atal es, dins los fachs e la realitat, de sensificar, socializar una lenga : Parlar de tot.

Parlar d’ una corsa de cabalhs o escriure la meteo en occitan me far pas rafir los pòts, te traparàs pas una esquinancia tanpauc, tanplan coma escriure t’estraviraràs pas lo punhet

cadun sa tissa, cadun son d’aquòs, en occitan de segur !

  • 2
  • 1
Uberisme occitan made in "Farda"
2.

#1 E las previsions meteorologicas, los pronostics del tiercè e los oroscòpis del jorn, los fas tanben ?

  • 11
  • 11

Escriu un comentari sus aqueste article