Actualitats
Dissabte que ven, las calandretas de Lengadòc dobriràn lors pòrtas
Serà l’escasença per cada associacion de presentar son establiment e rescontrar las familhas interessadas
Tèxte legit
Dissabte que ven, 21 de genièr, los establiments de las escòlas Calandreta de Lengadòc dobriràn lors pòrtas en tot prepausar diferentas activitats coma de diaporamas, de filmes, d’obradors educatius e esportius, etc. Cada calandreta a son programa.
Serà l’escasença per cada associacion Calandreta de presentar son establiment, que siá una escòla, un collègi o un licèu, de far descobrir lo projècte Calandreta e sa pedagogia innovanta, e de rescontrar las familhas interessadas per marcar lors mainatges a Calandreta.
Las escòlas Calandreta, escampilhadas a travèrs de tota Occitània, son d’escòlas laïcas e associativas qu’an un contracte amb l’Estat, qu’emplegan la lenga occitana coma lenga veïculara sul programa educatiu fixat pel Ministèri de l’Educacion de França. La relacion entre los professors e las familhas es fòrça estrecha, e los parents se pòdon engatjar dins lo projècte fins ont vòlon. De mai, cada Calandreta a una estrecha relacion amb son entorn immediat, e aital la coneissença de la realitat pròcha e l’engatjament dels escolans amb l’entorn son plan nauts.
Al nivèl nacional, actualament i a 3905 calandrons dins 65 escòlas, 4 collègis e un licèu. Per quant a Lengadòc, i a 1980 calandrons dins 24 escòlas primàrias, 2 collègis e un licèu.
Serà l’escasença per cada associacion Calandreta de presentar son establiment, que siá una escòla, un collègi o un licèu, de far descobrir lo projècte Calandreta e sa pedagogia innovanta, e de rescontrar las familhas interessadas per marcar lors mainatges a Calandreta.
Las escòlas Calandreta, escampilhadas a travèrs de tota Occitània, son d’escòlas laïcas e associativas qu’an un contracte amb l’Estat, qu’emplegan la lenga occitana coma lenga veïculara sul programa educatiu fixat pel Ministèri de l’Educacion de França. La relacion entre los professors e las familhas es fòrça estrecha, e los parents se pòdon engatjar dins lo projècte fins ont vòlon. De mai, cada Calandreta a una estrecha relacion amb son entorn immediat, e aital la coneissença de la realitat pròcha e l’engatjament dels escolans amb l’entorn son plan nauts.
Al nivèl nacional, actualament i a 3905 calandrons dins 65 escòlas, 4 collègis e un licèu. Per quant a Lengadòc, i a 1980 calandrons dins 24 escòlas primàrias, 2 collègis e un licèu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 A Sant Subran, dins Tolosa, tot es en Gasconha, non ? Al mens segon la cartografia occitanista costumièra… Escotèssem las autoritats oficialas, la quita Luna seriá fotuda d'èsser francesa !
E seràn dubèrtas las pòrtas de las Calandretas de Tolosa (capitala istorica de Lengadòc), Albi, Castras, Lo Puèi..., que son en Lengadòc?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari