Actualitats
An arrestat Matteo Messina Denaro, lo mafiós mai recercat d’Itàlia
Dempuèi 30 ans, de centenas de policièrs e carabinièrs participavan a la traca del fugitiu
Tèxte legit
Lo mafiós mai recercat d’Itàlia, lo sicilian Matteo Messina Denaro, en fugida dempuèi 30 ans, es estat arrestat a Palèrme, en Sicília, çò anoncièt diluns lo viceprimièr ministre Matteo Salvini segon çò que rapòrta Euronews.
Èra un dels darrièrs caps mafioses màgers de Sicília. Matteo Messina Denaro, 60 ans, foguèt arrestat dins l’illa diluns pass. Dirigent de la màfia Cosa Nostra, Es considerat coma lo successor dels “bosses” Toto Riina e Bernardo Provenzano, mòrts en preson en 2016 e 2017.
Segon lo general dels carabinièrs Pasquale Angelosanta, citat per l’agéncia de premsa AGIT, Matteo Denaro foguèt arrestat a l’interior d’una clinica privada, la Maddalena de Palerme. S’i èra gandit per de suènhs clinics.
Lo fugitiu, conegut jols chafres “u Siccu” (lo magre, en sicilian) o “Diabolik” en referéncia a una celèbra benda dessenhada italiana, es nascut dins la vila siciliana de Castelvetrano, e son paire, “Don Ciccio”, èra ja lo cap de la màfia de Trapani.
Ancian sicari (tuaire per d’argent) de Cosa Nostra, èra estat condemnat a la reclusion criminala a perpetuitat per murtres. Mas la sola fòto coneguda d’el remontava a la debuta dels ans 1990.
Es considerat coma lo cervèl dels atemptats que provoquèron la mòrt de dos magistrats antimàfia Paolo Borsellino e Giovani Falcone en 1992, e tanben son esposa e uèch membres de sa gàrdia raprochada.
Una perseguida de 30 ans
Dempuèi d’annadas, de centenas de policièrs e carabinièrs participavan a la traca del fugitiu mai conegut d’Itàlia. Dins sa vila, Castelvetrano, la polícia italiana multipliquèt las arrestacions e las sasidas de bens dempuèi los ans 2000. En tot, mai de 4 miliards d’èuros foguèron confiscats a sos pròches.
Aquela estrategia d’isolament durèt mai de 20 ans, tant son ret de sosten èra important, mas finiguèt que paguèt.
Son predecessor “Totò Riina”, de son vertadièr nom Salvatore Riina, dirigent del clan sicilian dels Corleonesi, foguèt arrestat lo 15 de genièr de 1993, exactament trenta ans abans.
Èra un dels darrièrs caps mafioses màgers de Sicília. Matteo Messina Denaro, 60 ans, foguèt arrestat dins l’illa diluns pass. Dirigent de la màfia Cosa Nostra, Es considerat coma lo successor dels “bosses” Toto Riina e Bernardo Provenzano, mòrts en preson en 2016 e 2017.
Segon lo general dels carabinièrs Pasquale Angelosanta, citat per l’agéncia de premsa AGIT, Matteo Denaro foguèt arrestat a l’interior d’una clinica privada, la Maddalena de Palerme. S’i èra gandit per de suènhs clinics.
Lo fugitiu, conegut jols chafres “u Siccu” (lo magre, en sicilian) o “Diabolik” en referéncia a una celèbra benda dessenhada italiana, es nascut dins la vila siciliana de Castelvetrano, e son paire, “Don Ciccio”, èra ja lo cap de la màfia de Trapani.
Ancian sicari (tuaire per d’argent) de Cosa Nostra, èra estat condemnat a la reclusion criminala a perpetuitat per murtres. Mas la sola fòto coneguda d’el remontava a la debuta dels ans 1990.
Es considerat coma lo cervèl dels atemptats que provoquèron la mòrt de dos magistrats antimàfia Paolo Borsellino e Giovani Falcone en 1992, e tanben son esposa e uèch membres de sa gàrdia raprochada.
Una perseguida de 30 ans
Dempuèi d’annadas, de centenas de policièrs e carabinièrs participavan a la traca del fugitiu mai conegut d’Itàlia. Dins sa vila, Castelvetrano, la polícia italiana multipliquèt las arrestacions e las sasidas de bens dempuèi los ans 2000. En tot, mai de 4 miliards d’èuros foguèron confiscats a sos pròches.
Aquela estrategia d’isolament durèt mai de 20 ans, tant son ret de sosten èra important, mas finiguèt que paguèt.
Son predecessor “Totò Riina”, de son vertadièr nom Salvatore Riina, dirigent del clan sicilian dels Corleonesi, foguèt arrestat lo 15 de genièr de 1993, exactament trenta ans abans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Totun, soi segur que per tant criminal que siá, en França, non passariá tant de temps en preison coma un inculpat d'ETA de Iparetark…
Aquí tanben una pichòta victòria que los maffiosi son pas totes italians emai an pas totes de noms italians. Mas ni per tot : osca !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari