Actualitats
Es mòrt lo poèta bearnés Alexis Arette-Hourquet, dich Lendresse
Sas idèas èran polemicas: delà la qualitat de sa pluma en gascon, e sa militància ecologista, èra d’extrèma drecha e colonialista
Tèxte legit
Lo poèta bearnés Alexis Arette-Hourquet, dich Lendresse, defuntèt diluns passat a 95 ans, çò rapòrta France Bleu. Autor de fòrça poèmas e cançons en occitan bearnés, foguèt longtemps vicepresident de l’Acadèmia de Bearn e un dels fondadors del festenal de Siròs.
Èra tanplan un personatge controversiat: d’efièch, d’un latz, delà la qualitat de sa pluma en gascon, trobam un dels primièrs a defendre l’agricultura ecologica de proximitat, mas de l’autre, èra un òme d'extrèma drecha, pròche de l'organizacion paramilitara prò-Argeria francesa OAS, e conselhièr regional del Front Nacional pendent dos mandats a comptar de 1986.
Veteran de la guèrra d'Indochina, i foguèt nafrat al front, en consequéncia de qué recebèt la medalha militara e la Legion d'Onor, que portava en tota escasença al costat de l'insigne paracasudista.
Èra tanplan un personatge controversiat: d’efièch, d’un latz, delà la qualitat de sa pluma en gascon, trobam un dels primièrs a defendre l’agricultura ecologica de proximitat, mas de l’autre, èra un òme d'extrèma drecha, pròche de l'organizacion paramilitara prò-Argeria francesa OAS, e conselhièr regional del Front Nacional pendent dos mandats a comptar de 1986.
Veteran de la guèrra d'Indochina, i foguèt nafrat al front, en consequéncia de qué recebèt la medalha militara e la Legion d'Onor, que portava en tota escasença al costat de l'insigne paracasudista.
Mort d’Alexis Arette, polémiste et poète béarnais d’une grande culture https://t.co/OdMlHaXZPOpic.twitter.com/W76C4u9LTe
— La Rép des Pyrénées (@LaRepDpyrenees) January 17, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#21 Qui parla de poesia racista ?
#20 N'i cab pas la mendra pensada racista en l'òbra poetica d'Alexis Arette! O alavetz que la me cau muishar...e tad aquò har que la cau léger purmèr...
#19 "Dògme occitanista" ? Quicòm que val largament los dògmes bearnistas o gasconistas, provençalistas o valencianistas, majorquistas, castelhanistas o francistas… Ne va dels dògmes coma de tota causa pel mond : demòran las òbras ! La de Lapassada, si que demorarà, portada per una pensada universalista e senuda , non pas bearnista, gasconista, occitanista, estalinista, fascista, neoliberala o qué te sabi mai. Una òbra poetica, qué !
#18, e òc, Lapassade, qu'èra mei pròche deu occitans a l'epòca....qu'ajuda! MDR...
Lo quite Roger non cercava pas laudanças en perm'or qu'ac sabè que s'esconè un poèta de tria, hicat a l'estrem per rasons ideologicas...Mes qu'èra un poèta de tria tanben, lo Roger, ne's pòt pas discutir.
Mes lo dògme occitanista, saps...
#2 shens parièr? Lapassada qu'ei cent viatges mei bon! E Baradat dètz còps!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari