Bandièra01 1180x150: País Invisible

Actualitats

crotz-tolosaCreated with Sketch.GuianaBordalésLa Grava

Peçac: presentacion del Papagai President e jornada occitana

Lo darrièr roman de Tederic Quatre se presenta dins l’encastre d’una jornada amb de garbura, contes, danças e la dictada

Tèxte legit

Deman, dimenge 22 de genièr a Peçac (La Grava), se presentarà lo nòu roman de Tederic Quatre Lo Papagai President recentament publicat per IEO edicions. La presentacion del libre se tendrà dins l’encastre d’una jornada occitana amb de garbura, contes, danças e una dictada occitana coma preambul de la Dictada que se farà dissabte que ven simultanèament dins una quarantena de vilas d’Occitània e endacòm mai. La jornada serà al profièch de la calandreta de la Dauna.
 
Tederic Quatre, nascut en 1973 en Neraqués, es ensenhaire a Bordèu e secretari de l’Ostau Occitan, la seccion girondina de l’Institut d’Estudis Occitans.

 
 
Luòc: Sala de quartièr, 39 Carrièra Anatole France – 33600 Peçac
Ora: Miègjorn

 

 
fffff fffff
 Lo papagai president
 
Lo Kevin e lo Jaufre, los dus conselhèrs “comunicacion” deu president de la Republica Manuel Cercací, qu’esperan a la pòrta deu burèu de l’Elisi. Puish un tarabast, ua rambalhassa, un crit indeterminat, un brut eishord e en seguir… lo silenci. Dens lo burèu presidenciau: pas degun! O meilèu pas nat èste uman! Pr’amor, ajocat sus l’esplena deu cadierau deu capdau – lo Manuel Cercací –, au som donc deu tròne de la Republica, un ausèth pintrat que’us gaitava deu son uelh arrond… un papagai. Qu’es aquèth papagai? On n’es passat lo president? E la reeleccion que se prepara!
 
   
 
 
QUATRE, Tederic. Lo Papagai President. IEO-Edicions, 2022. 104 paginas. 12 èuros.



  

 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article