Actualitats
L’ensenhament public francés ofrís solament 3 pòstes pel CAPES d’occitan
L’occitan es, per aquel concors, de totas las lengas autoctònas la mai maltractada : 3 pòstes per fins a 39 departaments e 10 acadèmias pertocadas
Tèxte legit
Lo Ministèri de l’Educacion francés a dobèrt sonque 3 pòstes pel CAPES d’occitan per 2023. Aquel Certificat d’Aptitud al Professorat de l’Ensenhament Segondari per l’occitan foguèt creat en 1991 e permet als titularis d’ensenhar la lenga nòstra dins los collègis e licèus de l’educacion dicha nacionala. Al començament dels ans 2000 i aviá un quinzenat de pòstes prepausats, se passèt a 4 en 2004 e ara ne demòra sonque 3. Lo ministèri o comuniquèt a la fin de decembre, just abans las vacanças escolaras de Nadal, e la Federacion dels Ensenhaires de Lenga e de Cultura d’Òc (FÈLCO) reagís amb indignacion.
La lenga nòstra es, entre totas las lengas autoctònas, la mai maltractada d’aquel concors: 3 pòstes per 39 departaments e 10 acadèmias pertocadas, en comptant los territòris minoritàriament occitans. Pel basco e pel breton i a 2 pòstes, pels creòls 5, pel catalan 1 e pel còrs 2. Per de lengas estrangièras e d’autras matèrias lo nombre es significativament pus naut.
Lo 20 de decembre, la FÈLCO adreicèt una letra al ministre de l’educacion, Pap Ndiaye, per “denonciar aquel atac novèl a l’ensenhament de nòstra lenga” en li ramentant las disposicions de la Lei Molac e mai l’article 75 de la Constitucion francesa. La responsa del ministèri non foguèt qu’una brèva letra datada del 28 de decembre signada per una conselhièra especiala del ministre qu’assegura qu’aqueste considèra amb interès los arguments presentats. Ça que la, “lo mens que se pòsca dire es que, per ara, res de çò que ven del ministèri nos incita pas a creire qu'es dins aquela direccion que s'engatja”, çò rapòrta la FÈLCO.
La lenga nòstra es, entre totas las lengas autoctònas, la mai maltractada d’aquel concors: 3 pòstes per 39 departaments e 10 acadèmias pertocadas, en comptant los territòris minoritàriament occitans. Pel basco e pel breton i a 2 pòstes, pels creòls 5, pel catalan 1 e pel còrs 2. Per de lengas estrangièras e d’autras matèrias lo nombre es significativament pus naut.
Lo 20 de decembre, la FÈLCO adreicèt una letra al ministre de l’educacion, Pap Ndiaye, per “denonciar aquel atac novèl a l’ensenhament de nòstra lenga” en li ramentant las disposicions de la Lei Molac e mai l’article 75 de la Constitucion francesa. La responsa del ministèri non foguèt qu’una brèva letra datada del 28 de decembre signada per una conselhièra especiala del ministre qu’assegura qu’aqueste considèra amb interès los arguments presentats. Ça que la, “lo mens que se pòsca dire es que, per ara, res de çò que ven del ministèri nos incita pas a creire qu'es dins aquela direccion que s'engatja”, çò rapòrta la FÈLCO.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Correspond subretot als besonhs que los politicians franceses e lors delegats territorials estiman necessaris. Estant que lor vertadièr projècte es de nos exterminar culturalament e linguïsticament, los besonhs en questions son largaments comblats. Crebam, e crebam lèu lèu : mission complida. E donc; los besonh anaràn de mai en mai febles… plan segur.
#3
#5
Mercé per vòstras responsas esclairadas.
Compreniái ben que lo comentari #1 èra de missanta fe.
#4 Mesclatz doas causas: lo recrutament dels regents (es a dire pel primari), qu'es un concors academic e lo recrutament dels ensenhaires del segond gra (collègi e licèu) qu'es nacional. Es d'aqueste concors (lo CAPES) que se parla dins l'article.
Per vòstra informacion, dempuèi la creacion del CAPES d'occitan-langue d'oc i aguèt pas jamai mens de recebuts (e donc de candidats) que de pòste. Quitament quand i aguèt 21 pòstes!
L'annada passada (en causa d'un cambiament dins lo concors que detalharai pas) i aguèt 3 recebuts per 4 pòstes.
Per vòstra informacion tanben, los CAPES de d'alemand recrutèt 60 personas per 215 pòstes prepausats, en anglés èra 675 mentre que i avia 781 plaças, en letras classicas 22 per 134 plaças, en francés son 157 pòstes que foguèron pas provesits e pas luènh de 500 en matematicas.
Enfin, sus las 6 darrièras annadas lo CAPES de matematicas trobèt pro de candidats 1 sol còp, en latin e en alemand jamai. E pr'aquò lor baissan pas lo nombre de plaça al concors. "quand le me compare..."
Enfin, 3 pòstes per Occitania tota... correspond en fach al nombre de professors d'occitan que partisson a la retirada. Per desvolopar amb aquò!
#2 Tiò en 2019 a l'academia de Bordèu per exemple : 19 pòsts ubèrts au concors de professor de las escòlas, 12 inscriuts e 2 recebuts...donc 3 au capes, n'ei dejà pas tròp mau...CQFD
#2
E òc, amic Antonin, encara de fècas-news, coma dison a Limós.
Es temps de Carnaval, doncas las Fècas son de sortida.
CQCD (çò que caliá demonstrar).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari