Actualitats
Kyiv aculhís uèi la cima entre l’Union Europèa e Ucraïna
Se parlarà de la candidatura d’Ucraïna a l’UE, de la responsa europèa a la guèrra, del plan de patz prepausat per Zelenski e de la seguretat alimentària
Tèxte legit
Se ten uèi a Kiyv la cima entre l’Union Europèa e Ucraïna per parlar de l’avenir del país. A la reünion son presents la presidenta de la Comission Europèa, Ursula von der Leyen, e de comissaris, e tanben lo president del Conselh Europèu, Charles Michel. Aquí rescontran de membres del govèrn ucraïnés e lo president Volodimir Zelenski. La darrièra reünion Union Europèa-Ucraïna se faguèt en 2021 e la de uèi es, doncas, la primièra dempuèi lo començament de l’invasion russa. De fonts de l’UE dison que la cima en Ucraïna es “un messatge fòrça important”, mai que mai per Russia en plena guèrra.
Per de rasons de seguretat se coneis pas gaire de detalhs de l’amassada, mas sembla que los representants de l’UE abordaràn quatre questions: la candidatura d’Ucraïna a l’UE, la responsa europèa a la guèrra, lo plan de patz prepausat per Zelenski e la seguretat alimentària.
Per çò qu’es de l’integracion dins l’UE, de fonts de l’UE asseguran qu’Ucraïna es a far malgrat la guèrra qualques reformas exigidas e, per tant, que l’UE se prepara per aculhir aquel país mas sens “especular” quin pòt èsser l’avenir d’Ucraïna dins l’Union Europèa se la guèrra contunha.
Dins lo cas del sosten a Ucraïna sembla qu’en març arribarà la segonda partida de l’ajuda financièra. Per quant als refugiats ucraïneses, pareis que uèi se parlarà del fach que poiràn servar lor proteccion temporària dins l’UE.
Dins l’encastre militar, se prevegèt que l’Union Europèa refortiriá de quinze mila soldats de mai la mission d’entraïnament de l’armada ucraïnesa. Aquel aument elevariá a trenta mila los soldats ucraïneses entraïnats per l’UE. A mai, a l’òrdre del jorn de la cima se deuriá parlar de la possibilitat de crear un centre internacional per perseguir en justícia los crimes russes en Ucraïna.
Per quant al plan de patz prepausat per Zelenski, cal veire la reaccion dels representants de l’UE e quinas estrategias conjonchas se decidisson per aténher la patz. Se prevei que la cima se clavarà amb una declaracion conjoncha dels representants d’Ucraïna e de l’UE.
Per de rasons de seguretat se coneis pas gaire de detalhs de l’amassada, mas sembla que los representants de l’UE abordaràn quatre questions: la candidatura d’Ucraïna a l’UE, la responsa europèa a la guèrra, lo plan de patz prepausat per Zelenski e la seguretat alimentària.
Per çò qu’es de l’integracion dins l’UE, de fonts de l’UE asseguran qu’Ucraïna es a far malgrat la guèrra qualques reformas exigidas e, per tant, que l’UE se prepara per aculhir aquel país mas sens “especular” quin pòt èsser l’avenir d’Ucraïna dins l’Union Europèa se la guèrra contunha.
Dins lo cas del sosten a Ucraïna sembla qu’en març arribarà la segonda partida de l’ajuda financièra. Per quant als refugiats ucraïneses, pareis que uèi se parlarà del fach que poiràn servar lor proteccion temporària dins l’UE.
Dins l’encastre militar, se prevegèt que l’Union Europèa refortiriá de quinze mila soldats de mai la mission d’entraïnament de l’armada ucraïnesa. Aquel aument elevariá a trenta mila los soldats ucraïneses entraïnats per l’UE. A mai, a l’òrdre del jorn de la cima se deuriá parlar de la possibilitat de crear un centre internacional per perseguir en justícia los crimes russes en Ucraïna.
Per quant al plan de patz prepausat per Zelenski, cal veire la reaccion dels representants de l’UE e quinas estrategias conjonchas se decidisson per aténher la patz. Se prevei que la cima se clavarà amb una declaracion conjoncha dels representants d’Ucraïna e de l’UE.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7 E òm suspausa qu'es la pretenduda "onestetat intelectuala" vòstra qu'a vos tanben vos buta
a vos faire lo papagai estrambordat de la propaganda deliranta de tonton Potina ? Tssss...
#7 Alan Sibé, se cresètz que Zelensky es un "nazi" e se pensatz que l'ucraïnian se parla pas dins Donbass, alara sètz tombat dins lo complotisme irracional. Avètz abandonat lo marxisme scientific.
Vos conselhi de regradar los recensaments lingüistics de la jove URSS vèrs 1920.
Un encontre shens nada importància enter ua arrepresententa non esleguida e un neonazi, eths dus shens guaire de poder , enas mans deths americans. Russia qu'at decidirà de tot. Donbass de qui non se parla pas james que poderà parlar e ensenhar la sua lenga, la lenga russa, ath contra de nosauts occitans.
Banaürós pòble ucrainian que, bombardat salvatjament per la dictatura de Putin, non a cap autra causida que de se sacar dins los braces de la dictatura financiarista ultraliberala americanoeuropèa ! Nestor Ivanovitch Makhno, ajuda-los : los paures tieus son perduts entre los lopasses e las làmias ! E qui los salvarà, se non se pòdon salvar eles-meteisses ?
#4
mancava pus qu'aquò setz malaut!
Crèsi, plan segur que potin a volgut la guèrra mas caliá far de tal biais de prevezir çò que vendriá per ensatjar aquela pojada en potencia ambe las armas, sabetz cossi s'acabarà !
far de propaganda russa, i setz pas tot, m'en foti soi pas aiciu per far de politica, mas per "parlar" occitan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari